Het jy gehoor?

5 wenke om dié feesseisoen te spaar

Dis vakansietyd en alles is lekker – die weer, die kos, die geselskap.

Maar voor jy jou oë uitvee, is die beursie baie dunner en die nuwe jaar se skuld hoop op.

Hier’s ’n paar wenke om te spaar …

Eet tuis

Maak eerder self kos tuis as om uit te eet. Uiteet raak vinnig duur, veral met ’n groot groep mense.

Steek die kredietkaart weg

Moet nooit geld uitgee wat jy nie het nie, dit laat die skuld net ophoop.

Onverwagte uitgawes

Wanneer jy ’n onverwagte uitgawe het - klein of groot - skryf dit neer en wees bewus van hoe dit jou langtermyn-begroting gaan beïnvloed.

Hou boek!

Hou boek van hoeveel geld jy het en elke uitgawe wat jy aangaan. Die uitgawes moet verkieslik altyd minder as die inkomste wees!

Die begeertes kan wag

Wees bewus van jou behoeftes en begeertes. Voldoen eers aan jou basiese behoeftes en as daar geld oor is, kan jy aan jou begeertes werk. Spaar dalk bietjie langer en die waardering is soveel groter!

En as jy dit regkry om dié Desember by jou begroting te hou, hou momentum!

Die beste is om reg deur die jaar te spaar aan ’n spesiale fonds, sê Stephan Buys, Hoof van Strategiese Samewerking by FNB Cash Investments.

“As jy deur die jaar elke maand R200 gespaar het, het jy in Desember ’n ekstra R2 400. En na gelang van jou spaarplan kan jy rente trek sodat dié bedrag nóg meer kan wees,” sê Stephan.

Bron: FNB Cash Investments.

Lees nou

Vakansiebui: Ons gunsteling-Kersfeesadvertensies

Volwasse ADHD: Jy kan meer geld uitgee in feestyd

Só vier Naas en Karen Botha Kersfees