FOTO Facebook / Adam Tas

FOTO Facebook / Adam Tas

Het jy gehoor?

Adam se skaap-stertjies

Op sy nuutste album, Patatas en Pyptabak, sing die Afrikaanse sanger Adam Tas met sy diep stem die harte weer goed warm. 

Maar die man kan ook kook! En vleis is sy ding – skaap-stertjies, om presies te wees. En nou deel hy sy resep spesiaal met ons.

Adam se skaap-stertjies

Adam sê die hoeveelheid stertjies hang af van die aantal gaste, en of jy dit as voorgereg of hoofgereg wil voorsit.

SOUS (genoeg vir so 8 stertjies)

– 1 koppie Knorr Spare Rib-sous

– 2 eetlepels stroop

– 2 eetlepels bruinsuiker

– 2 eetlepels balsemasyn

Meng al die sousbestanddele en kook die mengsel.

SKAAP-STERTJIES

Kook die stertjies in ’n drukkoker tot net voor dit van die been afval. Indien die vleis baie vet het, sny die ergste vet af ná dit gekook is. (As jy baie lief is vir vet, kan jy dit aanlos.)

Braai die stertjies oor die kole terwyl jy met ’n kwassie die sous aansmeer tot dit lekker taai is. Onthou dat die vleis reeds gaar is, moet dit nie te lank braai nie.

Maar Adam braai nie net nie, hy werk nou aan sy nuwe album se musiekvideo wat deur sy eie filmmaatskappy, Loopgraaf Films, opgeneem is. Loopgraaf Films is bekend vir hul skreeusnaakse Buffelsfonteinbaardolie-advertensies.

Luister Adam se nuutste treffer hier

Lees nou

Nóg ’n bekende word pa!

EKSKLUSIEF: Aktrise Christel van den Bergh se troue