Het jy gehoor?

SARIE bied aan: Afri-Frans

Afri-Frans is ‘n CD vol van die mooiste en gewildste Afrikaanse liedjies – dié keer in Frans gesing deur die Franse kunstenaar, Myra Maud en die eerste keer op RSG gespeel! En in 2010 bring SARIE dié besondere vertoning na gehore dwarsoor Suid-Afrika. Die eerste optredes sal by 2010 se KKNK afskop.

Al die groot name is daar! Laurika Rauch, Anna Davel en Mathys Roets tree saam met Myra  Maud  op. En Anna-Mart van der Merwe sal digkuns voorlees.



Laurika Rauch

Anna-Mart van der Merwe

Maud Myra

Matthys Roets

Kyk dié lusmaker-video!

Die projek is gekonseptualiseer deur die talentvolle komponis, jazz pianis, vervaardiger, klank-ingenieur en entrepreneur, Matthys Maree.

Naomi Morgan (Universiteit van die Vrystaat) het elke Afrikaanse liedjie ontrafel en weer in Frans bymekaar geweef wat Afri-Frans nou ‘n trotse toevoeging tot SA’ners se CD-versameling maak.

Cote Atlantique, Cabane dans l’orage, Epis d’eau en Chanson du vent is maar net Frans vir Blouberg se strand, Huisie by die see, Waterblommetjies en Sonja Herholdt se immergroen Ek verlang na jou.

Luister na die snitte hier.

Besoek Afri-Frans se webtuiste vir meer inligting.

Kyk die dokumentêr

 

  • Lynette Spies

    Ai die liedtjies in Frans klink so mooi! Ons bly in Jerez de la Frontera, Spanje. Ek lees daar word beplan om Afrikaanse liedere in Spaans oor te vertaal en te sing. Indien julle in die geweste video materiaal wil skied, laat my weet asb. Ons is Suid-Afrikaners – bly nog nie 2 jaar hier nie (my man is hier werksaam) maar indien ons kan help, laat weet.

  • Helene Siepman

    Sjoe, die Kinders van die Wind het my letterlik in trane laat uitbars. Ek het dit as kind gesing en speel op my kitaar – ons bly nou in Switserland so dis so half ironies dat dit hier opgeneem is – laat my baie verlang terug! Baie geluk met julle projek!

  • Afrifrans is seker een van die mooiste CD’s van Afrikaanse liedjies wat ek al gehoor het! Ek het dadelik ‘n CD gekoop en ook vir my skoondogter in Amsterdam een gestuur. Baie geluk aan Matthys Maree en andere.
    Ek wil dit graag as musiek op my webtuiste gebruik…wag toestemming af.

  • Adri Swiegers

    Toe ek verlede week vir ‘n vinnige kuiertjie terug in Pretoria was, gee n vriendin vir my die CD, en ek luister nou al heeldag na hom! Bly al 12 jaar in Australiee en is mal daaroor om nuwe Afrikaanse musiek te hoor (al is dit in Frans!) Wat ‘n wonderlike gedagte, ek hoop daar kom meer.

  • Nadia

    Dit maak my stukkend om hierdie in Frans te hoor. Dit is sooo mooi!
    Ek sal bitter graag ‘n weergawe in Spaans wil sien uitkom. Ek het vir ‘n jaar in Chile as ‘n uitruil student daar gebly met ‘n ‘host’ familie. My host ouers altyd geluister wanneer ek ‘Kinders van die Wind’ of ‘Mannetjies Roux’ ook op ‘n kitaar gespeel en gesing het vir hulle. Baie dankie vir die moeite met ons kultuur, ek sal duim vashou vir die volgende album 🙂

  • Marli Schneider

    Ek woon in München en kan nie wag vir my CD wat my Ma vir my van Bloemfontein af gepos het nie. Ek was so verbaas, bly en trots toe ek van hierdie projek hoor, veral oordat Dr. Naomi Morgan my (en toevallig my man) se Franse dosent op Universiteit was. So n talentvolle en indrukwekkende vrou het ek net selde in my lewe gesien. Ek weet ek gaan in trane uitbars as ek die CD hoor, maar ek kan regtig nie wag nie!

  • Mari Basson

    Ons bly nou al 8 jaar in Engeland en oor die Kerstyd raak ek baie homesick. Ek het die Afrifrans cd vir Kersfees gekry en kon nie ophou luister nie! Ek hou skool by ‘n laerskool en het die cd die eerste dag terug in die nuwe jaar gespeel tydens ons saal byeenkoms. Die kinders was mal oor die musiek en my skoolhoof ook – sy wil ook een he. Nou speel ek die cd gedurig in my klas en die kinders ken die liedjies wysies nou al so goed dat hulle saam neurie. Welgedaan Afrikaans!

  • Johan en Marieka Fourie

    Afri-Frans, Durbanville 8 Mei: Dit was werklik uitstekend (die staande applous genoeg bewys hiervan)… ons groepie het daar weggestap met ‘n bevestigde gevoel van ‘trots-Afrikaans’. Baie baie dankie aan al die sangers, Anna-Mart, die uitstekende musikante asook diegene wat agter die skerms alles moontlik gemaak het. Die klein bietjie rustig ‘saam-kuier’ in die voorportaal na die tyd het die aand ‘soort-van’ afgerond (al was meeste daarvan in ‘n tou om ‘n CD as geskenk vir iemand te laat teken)…

  • hLlZ9y flqegijjanic, [url=http://gpapykmmoxyb.com/]gpapykmmoxyb[/url], [link=http://dddpoyshakon.com/]dddpoyshakon[/link], http://cgvaleozvfde.com/