FOTO Twitter / @voguemagazine

Het jy gehoor?

Bradley Cooper word pa!

Nóg ’n baba is op pad in Hollywood! Die Oscar-benoemde Bradley Cooper en die Victoria’s Secret-model Irina Shayk verwag hul eersteling.

Net gister nog het die beeldskone Irina op die loopplank gepronk. En nie by sommerso ’n vertoning nie, maar The Victoria’s Secret Fashion Show in Parys, Frankryk! Die 30-jarige het beeldskoon gelyk.

Volgens E! News  was Irina se babamagie duidelik sigbaar op die glanstapyt voor dié modevertoning. Maar al die uitrustings tydens die vertoning het haar magie gedeeltelik bedek.

Die paartjie is hoogs privaat en probeer uit die media se oog bly. Nóg Bradley nóg Irina het die nuus bevestig. Hulle het in 2015 begin uitgaan kort ná sy haar verhouding met die sokkerster Cristiano Ronaldo beëindig het.

Bradley is nie al bekende wat goeie nuus het nie. Die aktrise Amanda Seyfried is óók swanger! Lees meer hier.

En vanoggend het die Springbok Duane Vermeulen die nuus met sy aanhangers gedeel dat sy tweede baba op pad is. Lees meer hier.

FOTO: Charl Smith van Agapé Studio

FOTO Charl Smith van Agapé Studio

Lees nou

Is dié bekendes nou uiteindelik ’n paartjie?

Ontmoet Donald Trump se skoonseun