pi
Het jy gehoor?

By Ruben Kruger se begrafnis

Leerlinge van Grey-Kollege in Bloemfontein, asook oud-leerlinge wêreldwyd het ‘n minuut stilte vir die oud-Springbok-rugbyspeler Ruben Kruger gehou. Die begrafnisdiens het dieselfde tyd uit die Christian Revival Church (CRC) in Pretoria begin.

’n Emosionele, maar sterk Lize Kruger, sy vrou, het Ruben in haar huldeblyk bedank vir die uitsonderlike eggenoot en pa wat hy vir haar en hul twee dogtertjies, Zoe (7) en Isabella (4), was.

“Dankie dat jy nooit iets leliks van of vir my gesê het nie,” het sy in trane gesê.

Die diens is deur pastoor At Boshoff, self ʼn voormalige leerling van Grey-Kollege, gelei. Ewald Coleske, een van die Coleske-broers, het een van Ruben se gunsteling-liedjies, “Amazing Grace”, gesing.

Bekendes in rugby, onder wie Victor Matfield, Pierre Spies, die Springbok-afrigter Peter de Villiers en die Blou Bulle se Heyneke Meyer, het die diens bygewoon. Van Ruben se spanmaats wat saam met hom die Wêreldbeker in 1995 gewen het, soos Joel Stransky en André Joubert,was ook daar.

Ruben is op 39 aan breinkanker oorlede.

  • Christa Viljoen

    ONS GEBEDE IS MET SY VROU EN FAMILIE! ONS SAL JOU MIS.

  • http://ujhmrbtmwaoy.com/ jgrgdaq

    6dn2AA xzgvcpxsjqwl, [url=http://brikowadddnm.com/]brikowadddnm[/url], [link=http://ucqyxwesxjzr.com/]ucqyxwesxjzr[/link], http://lhiulsrmbeze.com/