FOTO Instagram / @britneyspears

FOTO Instagram / @britneyspears

Het jy gehoor?

Is dít Britney Spears se nuwe kêrel …

Dit lyk net nie of die 34-jarige Britney die regte man kan kry nie. Is dit dié keer ware liefde?

As ons die gerugte moet glo, trek Britney nou ’n J.Lo. Soos Jennifer Lopez het Britney ook glo liefde in die arms van een van haar dansers gevind.

Die Chris Judd-karakter in Britney se verhaal is die model Sam Asghari (foto hieronder) wat in haar “Slumber Party”-musiekvideo speel.

Be confident, yet humble

A photo posted by Sam Asghari (@samasghari) on

Sam het dié foto van hulle twee op Instagram gedeel, maar vinnig afgehaal. Ongelukkig moet Sam nog leer dat niks op sosiale media vir ewig verlore bly nie.

Kyk hieronder na die musiekvideo waarin hy speel:

Verlede jaar het haar verhouding met die regisseur en vervaardiger Charlie Ebersol op die rotse beland. En voor dít het haar verhouding met David Lucado sleg geëindig nadat hy haar verneuk het.

Voor David het Britney ’n string ander verhoudings gehad. Sy was verloof aan haar agent Jason Trawick en getroud met Kevin Federline, by wie sy haar twee seuns, Preston en Jayden, het. Sy het ook in Las Vegas met haar hoërskoolvriend Jason Alexander getrou, en het glo al met Colin Farrell, Jared Leto en Fred Durst van die groep Limp Bizkit uitgegaan. Britney en Justin Timberlake was aan die begin van hul loopbane ook ’n paartjie.

Lees nou

Nadia Beukes & haar David: Só het die liefde begin

Dié Hollywood-paartjies is al jare saam

Dié bekende paartjies se verhoudings het in 2015 verbrokkel