Hilde-E3-Musiekvideo
Het jy gehoor?

Hildegardt Whites en Vredendal se plaaslike blikslaner

Hilde se hartsklanke volg vir Hildegardt Whites terwyl sy haar eerste album opneem. Sy besoek 13 dorpies langs die Weskus en in die Noord-Kaap waar haar wortels lê en vind plaaslike musikante om haar te help om haar hartsklanke in 30 dae op te neem.

Hierdie week is Hilde op Vredendal, ’n dorp wat sy uit haar kinderdae goed onthou. “Vredendal was altyd die plek waar ons gekom het om ons inkopies te doen, want dis die plek wat alles gehad het. Ek dink ek het nog my eerste Kentucky hier gehad!”

Hilde-E3-Vredendal

FOTO Verskaf

MUSIEKVIDEO: Hildegardt Whites ontmoet die nagtegaal van die Weskus

Hilde besoek die Hoërskool Vredendal waar die leerders besig is om vir ’n talentkompetisie te oefen. Sy praat dié talentvolle hoërskoolkinders moed in om aan te hou sing en musiek maak en nie te vergeet waar hul eie wortels lê. “Mens moet weet waar jy vandaan kom. Dan moet jy ’n doelwit stel en daarnatoe werk. Julle kan rêrig enigiets doen, enigiets wat julle wil,” het sy aan dié uitblinkers gesê.

7de Laan se Hildegardt deel groot nuus

Die liedjie wat Hilde op Vredendal opneem, is “Koepetika” deur Pieter van der Westhuizen en dit het ’n spesiale plek in haar hart.

“Dit beskryf die Namakwaland se mense, die blommetjiesmense. Die liedjie is amper soos ’n gedig.”

Sy benodig ’n spesifieke klank vir dié liedjie en vra vir Tannie Mary Kriel, die bekendste blikslaner op die dorp, om haar te help. Alfred Basson kom verras haar al die pad van Clanwilliam af met daardie spesifieke kitaarklank, in die Weskus bekend as fynknyp. Nico Klein en Elverno Kok maak die groep vol, en dié vyf baljaar lekker in die stof buite die Namaqua-wynkelder.

Hilde-E3-Musiekvideo

FOTO Verskaf

Om die volle musiekvideo te sien en vir Mary en Alfred beter te leer ken, gaan na Afrikaans.com.

Nuwe episodes van Hilde se hartsklanke wys elke Woensdag om 20:00 op VIA (DStv-kanaal 147) en herhaal dan weer Saterdagaande om 21:00 en Sondagoggende om 09:00.