VIA_FB_IKMS
Het jy gehoor?

Inspirasiekos met SARIE: Appelbier

Dis deesdae hoogmode om jou eie bier te brou en om elke hoek en draai kry jy ’n boetiek-bierbrouer. Deel van dié tendens is ook appelbier (cider): die vars drankie wat met elke slukkie sê “somer”!

Ek het in SA se appelwêreld gaan kyk hoe hierdie unieke drankie gebrou word en in die Elgin-vallei gaan inloer by Walter Mullins op die Windermere-plaas.

FOTO: http://www.windermerecider.co.za/

FOTO: http://www.windermerecider.co.za/

As jy gedink het appelbier is net van appels gemaak, moet jy weer dink. Die bier wat Walter en sy span hier brou, word ook gegeur met vlierblom (elderflower) en rooibos. Hulle maak selfs ’n suster-weergawe met pere.

1. Walter, wat is die geheim van goeie appelbier?
Soos met goeie wyn wat in die wingerd begin, begin alles hier in die appelboord. Jy moet goeie appels hê om ’n goeie basis te kan maak.

2. Wat is die basis van appelbier?
Herman, dis eintlik nie bier nie. Dis wyn. Cider word gemaak van ’n appelwyn wat dan gefermenteer word en later geur ons dit. Bier word gemaak van graanprodukte terwyl wyn van vrugte is.

3. Hoe geur julle die bier?
Ons gebruik natuurlike produkte. Die rooibos-bier geur ons met rooibos-hout en ons besit die patentreg op die tegniek.

Op ons Inspirasie-spyskaart die week:

Southern fried hoender met appelbier-mosterd
• Radys-en-perskool-slaai
• Appel-beignets met rum-karamel

IKMS_CIDER_KFC_0077

Southern fried hoender met appelbier-mosterd

• 12 ontbeende hoenderdye
• 45 ml gerookte paprika
• 250 ml karringmelk
• 4 knoffelhuisies, fyngekap
• sout en varsgemaalde swartpeper
• 200 g dröe broodkrummels
• 70 g (125 ml) koekmeel
• 2 eiers geklits
• sonneblomolie vir diepbraai

Plaas hoender in groot bak. Meng paprika, karringmelk en knoffel. Gooi oor hoenderstukke en maak seker dat dit oraloor bedek is. Geur goed met sout en peper. Plaas in yskas vir 1 uur. Haal hoender uit mengsel en krap die meeste van die karringmelk af. Plaas broodkrummels en koekmeel in groot plastieksak. Doop hoenderstukke in geklitste eier en gooi in sak met krummels. Skud sak rond tot al die stukke goed bedek is met die mengsel. Verhit olie vir diepbraai tot mediumwarm in groot pot. Voeg hoender by diepbraai vir 10-12 minute of tot hoender goudbruin en bros is. Dreineer en sit voor met die mosterd.

• 125 ml geel mosterdsaadjies
• 375 ml asyn
• 500 ml appelbier (cider)
• 75 ml heuning
• 125 ml donker bruinsuiker
• 10 ml sout
• 2 ml borrie
• 250 ml droë mosterdpoeier

Meng mosterdsaadjies, asyn en helfte van bier in middelslag-mengbak. Maak toe met kleefplastiek en laat staan oornag in yskas. Gebruik ’n skoon pot en meng oorblywende bier met heuning, suiker, sout en borrie. Bring tot kookpunt. Haal van hitte af en gooi in ’n menger. Verpulp by hoë spoed. Laat afkoel. Voeg droë mosterdpoeier en mosterd-en-biermengsel by. Verpulp by hoë spoed tot glad. Skep in skoon flesse wat gesteriliseer is en verseël goed om te bêre.

 

IKMS_CIDER_KFC_0061

Radys-en-perskool- slaai

genoeg vir 4

• 500 g (½ kop) pers kool
• 3 klein andyviekoppe (endive)
• 6 radyse
• 100 ml karringmelk
• 250 ml tuisgemaakte mayonnaise
• 100 ml appelbier (cider)
• 1 knoffelhuisie, baie fyngekap
• 5 ml vars gemmer
• 60 ml olyfolie
• 1 rooi brandrissie, fyngekap
• sout en varsgemaalde swartpeper
• hand vol Italiaanse pietersielie, fyngekap

Gebruik voedselverwerker en rasper kool en andyvie in fyn repies – of sny dit met die hand as jy nie so ’n toestel het nie. Sny radyse in dun repies en plaas in groot slaaibak saam met gesnipperde kool en anyfie. Meng karringmelk, mayonnaise, appelbier, knoffel, gemmer, olyfolie en brandrissie. Geur goed met sout en peper. Gooi by koolmengsel. Voeg pietersielie by en meng alles met slaailepels. Proe en pas geurmiddels aan. Sit voor.

 

IKMS_CIDER_KFC_0074

Appel-beignets met rum-karamel

genoeg vir 4

• 250 ml suiker
• 100 ml water
• 40 ml donker rum
• 45 ml botter
• 100 ml room
• 240 g (430 ml) bruismeel
• 1 eier
• 180 ml appelbier (cider)
• 2 appels, ontklok
• 1 liter olie vir diepbraai
• versiersuiker vir oorsif

Plaas suiker en water in middelslagpot. Verhit stadig en roer tot suiker gesmelt is en bring tot kookpunt oor hoë hitte. Kook tot goue karamel vorm. Voeg rum by en bring weer tot kookpunt. Steek rum aan die brand met ’n oop vlam soos ’n aansteker (lighter) – wees versigtig. Wag tot vlamme wegbrand en voeg dan botter en room by. Skud pot heen en weer tot alles mooi meng. ­­­Laat afkoel terwyl jy die beignets maak: Meng bruismeel en eier in groot mengbak. Gooi genoeg appelbier by tot gladde beslag vorm – byna soos plaatkoekiedeeg. Verhit olie vir diepbraai tot warm. Sny appels in 1 cm-dik skywe en doop in beslag. Dompel in warm olie en braai vir 3-5 minute of tot goudbruin en bros. Dreineer en pak op opdienbord. Sif versiersuiker oor en gooi karamel oor. Sit voor.

Nóg Inspirasiekos met SARIE-resepte

Waterblommetjie | Sout | Mossels en Oesters | Meel | Sampioene | Mozzarella | Soutwaterforel | Whisky | Vanielje

Spekko Promosie Tag

Hierdie episode van Inspirasiekos met SARIE (VIA, DStv-kanaal 147) is geborg deur Spekko. Met Spekko-rys kry jy altyd meer – ook inspirasie vir heerlike nuwe geregte.

SPEKKO VIA SPONSORSHIP DIGITAL IMAGE V2-B

Besoek www.spekkorice.co.za vir meer resepte en volg Spekko op Facebook of@SpekkoRice op Twitter en @SpekkoSA op Instagram.