FOTO Instagram @jackparow

FOTO Instagram @jackparow

Het jy gehoor?

Jack Parow vrek oor braaibroodjies

Die Afrikaanse kletsrymer Jack Parow sê: “Ek love braaibroodjies, dis vir my soos poeding. Dis my favourite ding om te eet, elke liewe kans wat ek kry, maak ek braaibroodjies.”

Hy neem brood, botter  -“ek botter nie die buitekant nie, ek weet party mense botter aan die buitekant, maar ek botter net die binnekant” – kaas, tamatie, uie en goeie tye, and that’s it. Dan sit hy dit op die braai, op lae hitte, en draai dit soveel moontlik om.

Jack Parow verkies dit.

“My pa het dit gemaak, my ma, it’s like a thing passed down forever and ever.  Dis maar net iets amazing – ’n lekker ou braaibroodjie. En voel Suid-Afrikaans. Dit maak nie saak waar in die wêreld ek toer of waar ek is nie. As ek ’n braaibroodjie maak, voel ek of ek by die huis is – dis die main ding daarvan. Ek is baie lief vir dit.”
* Parow en Jitsvinger gaan op 1 Desember ’n video uitreik op YouTube. Dit gaan oor pa-wees. Verder werk hy aan nuwe musiek en lewer hy in Desember heelparty optredes.