FOTO Facebook / Jenny Morris

Het jy gehoor?

Jenny Morris nou op radio

Ons ken die sjef met die kenmerkende lag en groot hart as die Giggling Gourmet. En as jy eers een keer vir Jenny Morris ontmoet het, sal jy net daar verlief raak op haar! Nou kan jy weekliks na haar luister op die Kaapse radiostasie Heart FM.

FOTO Facebook / Jenny Morris

FOTO Facebook / Jenny Morris

Jenny sluit by die ontbytspan aan en sal elke Donderdagoggend net ná 8:00 met luisteraars kuier. Sy gaan vrae beantwoord oor kos, resepte deel en ons lus maak om weer saam met vriende en ons gesin aan tafel te kuier.

Jenny is al vir meer as 20 jaar in die bedryf en haar CV spog onder meer daarmee dat sy die eerste Suid-Afrikaner was wat op die internasionale kosnetwerk Food Network gekook het. Haar TV-reekse op dié leefstylkanaal word in meer as 140 lande uitgesaai.

Waarom moet ons inskakel en luister, was my eerste vraag aan Jenny: “Jy moet!” lag sy hardop.

“Ek gaan my liefde en passie vir kos met luisteraars deel. Ek gaan op ’n prettig manier opvoeding oor kos gee. Verwag sommer baie wenke en raad wat jou lewe beter gaan maak!”

Buiten dat Jenny die vermoë het om jou hart te steel, moet jy ook haar kos proe. Wanneer jy in die Kaap is, doen gerus moeite en gaan eet by haar restaurant Yumcious in De Waterkant.

Skakel elke Donderdagoggend om 8:00 in op Heart 104.9 FM of luister dit enige plek in die wêreld aanlyn by www.1049.fm.