FOTO Facebook / Coca-Cola

FOTO Facebook / Coca-Cola

Het jy gehoor?

Kersstrik vir jou Coca-Cola

As dit kom by bemarking en slim veldtogte, is daar een maatskappy wat dit byna altyd beter kan doen as die ander: Coca-Cola. Hulle glo jy verkoop ’n leefstyl, nie ’n produk nie. En vir jare al is Coca-Cola voor in die koor as dit by Kersfees kom.

Ons almal ken die bekende advertensie waar Kersvader ’n glas Coke bo die melk en koekies verkies. Dan is daar natuurlik die groot Kersfeestrok wat met helder liggies versier is en Amerika platry om vreugde na die mense te vat.

FOTO

FOTO Facebook / Coca-Cola

Maar vanjaar se veldtog oortref alles wat Coca-Cola al ooit voorheen gedoen het. Om die bottels is ’n spesiale etiket wat jy lostrek en wat dan binne sekondes ’n strik vorm. Ons hier by SARIE kan skaars glo dat iemand aan so iets kon dink. Ek is eintlik bietjie groen van jaloesie dat dit nie my idee was nie!

Kyk hier:

Dis ook in Suid-Afrika beskikbaar. Volgens Coca-Cola is dié strik beskikbaar op al die 2 liter-bottels, gewone sowel as suikervrye produkte.

Al drink jy nie eens Coca-Cola nie, sal so ’n strik om ’n bottel jou dag mooier maak – en dís waaroor Kersfees gaan: Om vreugde en geluk te saai.

Lees nou

Perfekte musieklys vir Kersfees

Só vier Paul Rothmann Kersfees

Irina se ring lyk nes Kate s’n