FOTO: Gallo Images / Getty Images

FOTO: Gallo Images / Getty Images

Het jy gehoor?

Leo koop ’n leeu – uit SA!

Dat die wêreld nuuskierig is oor ons land, van ons diere tot ons geskiedenis, verbaas ons glad nie. Ons het baie om te wys! Maar as twee bronsbeelde hier geskep word en die wye wêreld ingaan, wil ons beslis meer weet …

Kyk hier na die bronsleeu wat op pad Frankryk toe is.

Dit is een van twee wat die Suid-Afrikaner Bruce Little al gemaak het. Die eerste staan nou by Longleat safari en avontuurpark in Brittanje. Die tweede leeu is deur Leonardo DiCaprio gekoop om in St. Tropez, Frankryk, opgeveil te word ten bate van die Leonardo DiCaprio Foundation, sy natuurbewaringstigting.

FOTO: Facebook (Bruce Little Originals)

FOTO: Facebook (Bruce Little Originals)

En as jy steeds nie begryp hoe groot hierdie leeu is nie, kyk hierdie video van die eerste leeu wat in Maart by Longleat aangekom het:

Ons wonder waar in die wêreld Leo se leeu ’n tuiste gaan kry!

Gepraat van bronskunswerke

Die Amerikaanse kunstenaar Hank Willis Thomas het onlangs die Instagram-rekening van die wêreldbekende Museum of Modern Art (MoMA) in New York oorgeneem. Dis net hier waar ons dié indrukwekkende bronsbeeldhoukuns, wat bande met SA het, gesien het.

MoMA het sy Instagram-platform vir die week aan die Amerikaanse kunstenaar Hank Willis Thomas gegee. Hank is ’n konseptuele foto-kunstenaar wat fokus op temas soos identiteit, geskiedenis en popkultuur.

In die lig hiervan maak dit sin dat die bekroonde Suid-Afrikaanse fotograaf Ernest Cole se foto van mynwerkers wat tydens die apartheidsjare deursoek word, vir Hank geïnspireer het.

Hank het die foto in 2014 omskep in ’n bronsbeeldhouwerk, Raise Up. Lees hier by Hank se Instagram-inskrywing meer oor die kunswerk:

From artist @hankwillisthomas as part of his takeover of our Instagram: “Raise Up (2014) is a bronze sculpture based on a 1960s-era photograph of South African men – mine workers – lined up to be strip searched. The photograph, taken secretly during apartheid by the brilliant South African photographer Ernest Cole, is undeniably powerful, but it also always made me feel guilty, as if I was gawking at their nude bodies, objectifying them. In re-making it, I cropped the image at their shoulders and re-titled it, decisions which took on new meaning and significance in the wake of events in Ferguson, Missouri a few short months later. An image of oppression became an image of resistance, amplified by the voices and actions of protestors in Missouri and beyond. All of my work is about framing and context. Shifts in either allow for new meaning to flow forth. Here, an image taken over half a century ago in a wholly different, though related, time and place, is able to speak directly to contemporary issues here at home.” #seeingthroughphotographs

A photo posted by MoMA The Museum of Modern Art (@themuseumofmodernart) on

Hier is ’n nabyskoot van een van die mynwerkers in Hank se Raise Up:

Wonderful detail photo of #raiseup @goodman_gallery @artbasel #punctumseries A photo posted by Hank Willis Thomas (@hankwillisthomas) on

Ernest Cole

Ernest Cole is in 1940 in Suid-Afrika gebore, maar is in die 1960’s New York toe en het nooit weer teruggekeer nie. Voordat hy na New York verhuis het, het hy vir die tydskrif Drum gewerk as fotojoernalis. Die Universiteit van Kaapstad het ’n fotografie-toekenning, die Ernest Cole-toekenning, wat hulle jaarliks aan ’n fotograaf toeken om sy/haar werk te voltooi, ’n boek te publiseer en ’n uitstalling te hou.

Hierdie toekenning se webtuiste vertel meer van Ernest se boek, The House of Bondage, oor die lewe onder apartheid. Die boek is in 1967 in New York gepubliseer en het veroorsaak dat Ernest die jaar daarna uit Suid-Afrika verban is. Ernest is in 1990 in New York City oorlede en volgens SA History is negatiewe van sy foto’s en drukwerk baie skaars of nog nooit opgespoor nie.

 

Lees nou

FOTO’S: William Kentridge verf Rome

SA se William Kentridge verf muur in Rome!