FOTO Facebook / Margaret Gardiner

FOTO Facebook / Margaret Gardiner

Het jy gehoor?

Margaret Gardiner groet haar ma

Die voormalige Mej. Suid-Afrika en Mej. Heelal, Margaret Gardiner, moes gister haar ma, Dawn, groet. Sy was 86 jaar oud.

Sy’t die hartseer nuus op sosiale media gedeel.

“Aan die ma wat ek liefgehad het. Geen woorde kan hierdie verlies vasvang nie. Jou gees leef in almal wie se lewens jy aangeraak het. Ek sal jou eer deur die skoonheid te sien, goedhartig te wees, met blydskap te leef, dankbaar te wees en om voluit te lag. Ek is lief vir jou, Ma,” het sy op Facebook geskryf.

Margaret is deesdae ’n joernalis in Hollywood en skryf vir die vrouetydskrif Rooi Rose. Dawn was glo die afgelope ruk baie siek.

Oud-redakteur van SARIE Izak de Villiers het geskryf oor sy ontmoetings met Margaret.

Hier volg ’n uittreksel:

“Ek het haar die eerste keer in 1978 in New York gewaar. Sy het voor die beroemde Rockefeller Center vir fotograwe geposeer. Nuuskierig wou ek weet wie sy is, hierdie pragtige jong donkerkop met haar groot, vriendelike oë, wye, sensuele mond, koninklike nek, breë skouers, lieflike bene en van voor en van agter die ene vroulikheid. Sy was die pas gekose Mej. Heelal – in ’n tyd toe Suid-Afrika die Mej. Wêreld-kompetisie verbied is. Sogenaamde sanksies . . .

’n Omstander het verduidelik dat sy van Suid-Afrika kom. Ek wou haar gaan groet, maar die shoot was in volle swang en van die kameramense het my gevra om haar asseblief nie te hinder nie. Min het ek geweet dat ek die einste meisie voorkant toe self nog vir talle shoots sou gebruik.

Ons het Margaret ’n paar maal as model gebruik en daardie uitgawes het van die hoogste syfers (240 000 – 270 000 plus) ooit behaal, met die uitsondering van prinses Diana. Ek het van Margaret as “ons eie prinses Di” begin praat. Sy het soms vinnig kom inloer, maar het gependel tussen hier en die VSA waar sy studeer het en waar haar verloofde, dr. André Nel, briljant gevaar het as medikus. Op ’n dag het ek haar gebel en gese ek wil graag ’n artikel oor ons doen, en wanneer sy in Suid-Afrika is, moet sy my tog laat weet. Op ’n oggend het Margaret gebel.

“Izak, ek is hier en sal jou graag wil sien. Ek is by my ouers in Woodstock en ek het vandag vry . . .”

“Nou maar kan ons kuier?” het ek gevra.

“Jip,” het sy gesê, “dis waaroor ek bel.”

Daardie oggend was ’n besondere kuier. Sy het haar verwonder aan my kantoor: ek het pas mooi magenta stoele laat insit en nuwe teetafels. Ons het ’n hele paar koppies tee gedrink. Ek wou by haar weet hoe sy haar stralerjakker-glanslewe met haar redelik beskeie tuisdorp, Woodstock in die Kaap, versoen. Sy het kalm gesê sy is bly sy kom nie uit ’n ryk buurt nie. “Ek weet dis ’n cliché om te sê ’n mens is ryk in ander dinge. Maar ek is! Ek het in ’n wonderlike gesin grootgeword, met baie liefde en respek. My familie is my rykdom. My ma is ’n ongelooflike sterk vrou. Vol begrip en moed. En ek en my pa is só dieselfde. Ons het dieselfde liggaamsbou. Ons sit langs mekaar en steek ons bene uit en vergelyk hoe eenders ons bene is! Hy is my pá.”

margaret_home

En hoe het hulle daaroor gevoel dat jy jou so jonk in die skoonheidswêreld begeef het? “My pa was aanvanklik daarteen, maar my ma het nagedink en gesê dis ’n groot kans. Sy het reguit met my gepraat en gesê: Margaret, hierdie en daardie slaggat moet jy vermy. En dáárvoor moet jy versigtig wees. Ek laat jou gaan omdat ek jou vertrou.

My pa het ingestem. ’n Mens vra jou af: as dit my pragtige dogter was, sou ek toegestem het? Jou kind alleen in ’n wêreld van make-believe en sluwe slange?

Lees die volledige storie hier.

Lees nou

Angs – só hanteer jy dit

‘Ma, jy stres my!’ Angstige ouers maak angstige kinders groot