Het jy gehoor?

Milan blog: ‘n Ouer moet nie ‘n kind begrawe nie

Liewe leser,

Ons dink so dikwels dat daar nie veel is wat ons kan doen oor die afstand van tyd en ruimte nie. Maar daar is. Instansies soos die Tygerberg-Kinderhospitaal het elke sent en bydrae van buitestanders nodig om beter te kan sorg, behandel en dien. Doen wat jy kan, waar jy kan. SMS sommer nóú die woord ‘milan’ na 38198. So skenk jy R10 aan die Tygerberg-Kinderhospitaal.

Goed, dit dan my prekie vir vandag …

Op die hardloop-front gaan dit baie goed. Donderdag se 2 uur lange roete in Jonkershoek was asemrowend mooi sowel as ongenadig hard op die bene! Die aangehegte foto is geneem op een van die makliker dele van die roete. Ons is toe uiteindelik tot bo op daai berg. Soms handeviervoet! En met die afkomslag so half sit-sit oor die los klippe. My bobene herstel nou nog. Daar is ook ‘n hele paar roetes om van te kies, en ons het maar so met die kaart in die rugsak gehardloop en genavigeer.

Ek en Schalk het al baie gespog dat ons nie te sleg sal vaar in die TV-program Amazing Race nie. Wel, as die TV-kameras daar in Jonkershoek was, sou dit ‘n interessante stukkie werklikheidstelevisie gewees het. Ons het twee keer liederlik verdwaal! Schalk het die kaart, maar ek hardloop voor … Nou vra ek jou, wie se skuld is die verdwaal nou? As jy gedink het ‘n mens kan nie hardloop en baklei nie, is jy verkeerd! So verkeerd soos wat Schalk was met sy navigasie.

Ek sê maar net.

Die langnaweek se oefensessies is ‘n bietjie gekniehalter deur die Kaapse storms. Die toppunt van skuldig voel, is as jy veronderstel is om 21 km in die Paarl te gaan hardloop, maar jy lê die hele Saterdag in jou pajamas en kyk twee seisoene van die TV-reeks White Collar in die bed! Ek het gedink ma’s het die kuns van skuldig voel, vervolmaak, maar atlete is erger! Ek belowe myself toe om Sondag daarvoor op te maak en die 30 km-wedloop in Simonstad te gaan hardloop, maar toe kry ek nie ‘n oppasser vir die kinders op sulke kort kennisgewing nie. O mea culpa, mea culpa! Ag, en omdat ek nou in elk geval al klaar op daardie afwaartse spiraal is, eet ek toe sommer gisteraand twee bakke malvapoeding met vla. Mooi.

Milan Murray in Jonkershoek

Nou ja, hierdie week begin ek dan met ‘n moedige glimlag en goeie voornemens. Ek het twee maande oor. Net twee maande. Ek voel soos ‘n swanger vrou wat regmaak vir die kraamsaal. My tassie is amper gepak (danksy Dr. Van Rensburg van bCds in Potchefstroom wat al my toerusting vir die wedloop betaal het!), my kop is gefokus op die 11 uitmergelende ure, my man staan reg met die GoPro-kamera om die aksie af te neem en die familie staan reg met die nodige oooh’s en aaah’s as ek die medalje huis toe bring.

Jy kan my vordering dophou op die Facebook-blad ‘Milan vs The Otter’, of volg my hierdie laaste twee maande op Twitter by @milanmurray. Hierdie poging van my is gebore uit die behoefte om ‘n verskil te maak in die lewens van siek kinders. Ek wil so graag aan die einde van hierdie wedloop ‘n groot tjek aan die Tygerberg-Kinderhospitaal oorhandig, en jy kan help deur soveel moontlik SMS’e te stuur.

Ouers is nie veronderstel om hul kinders te begrawe nie.

Groete van huis tot huis,

Milan Murray

  • P Botha

    Milan Dit is so waar, ek is een van daardie ouers en dit is baie moeilik om te verwerk, ek dink nie mens gaan ooit daaroor kom nie.

  • Retha Botha

    My hart gaan uit na enige ouer wat ‘n kind moet begrawe, hier by ons is onlangs twee 10jarige seuns ‘n week uit mekaar begrawe en die wonde is nou nog rou, volpunte Milan vir alles wat jy doen! Ek wens daar was meer wat ‘n mens vir daardie seer in die ouerharte kan doen.

  • Adèle

    Werklik ‘n hartverskeurende situasie, ons familie het Kyle (21jr) oud vrydag 3 Aug begrawe, na ‘n moedige.dapper stryd teen Melonoma – 4 jaar lank-, dis ‘n wrede, aaklige kanker wat in die laaste paar weke hom laat bid het dat Jesus hom neem. Dit was vir my net ‘n voorreg om hom my kleinseun te kon noem, en sy mamma en almal in die gesin verwerk hierdie verlies baie, baie swaar. Hy was so ‘n wonderlike inspirasie vir ons almal. Ons weet Jesus het hom toegevou en verwelkom by Sy voete,waar sy stukkende liggaam nou in glorie herstel is sonder pyn, slapelose nagte , chemo en eindelose medikasie. Hy was ‘n Pro Golf student, en ek is seker hy geniet die pragtige golfbaan in die Hemel saam met sy Hemelse Vader waar elke dag vredevol en pynloos is, Lief jou altyd Kylee:-)

  • Pepito

    KeuschnigDie Stelle mit dem Bezug auf sterreich habe ich schon gseehen. Ich wollte nur darauf hinweisen, dass der AWD nicht der einzige belt ter ist.Ich verstehe deine Anmerkung bez glich der Dichotomie nicht. Du magst sie nicht, aber in der Folge schreibst Du, dass niemand gezwungen ist die Altersvorsorge auf eine derartige Weise zu finanzieren. Da kommt ja gerade die Dichotomie zum Vorschein. Es sind bestimmte Leute, die glauben, dass es mehr heraus zu holen gibt.f r mich trifft das nicht zu. Ich habe auch bisher nichts verloren, weil ich mich nach einem Nullsummenspiel, zu dem ich mich als 30-J hriger einmal berreden lie , nie mehr wieder mit solchen Modellen etwas zu tun haben wollte.Aber die Amerikaner konnten sich nicht wehren: dort war es wirklich Fremdbestimmung.Also ich denke, dass Du gerade beschreibst, dass man nicht so wie alle sein muss. Also gibt es ein wir gegen sie .Mitleid habe ich schon ein bisschen mit den Leuten, die noch aus einer anderen Zeit stammen, als zum Beispiel auch noch Handschlagqualit t herrschte.Es ist nicht so einfach, heute hinter jedem geschniegelten Versicherungskeiler einen Verbrecher zu vermuten. Das w re ja auch sogar den Versicherungskeilern gegen ber unf hr.Ich glaube, es ist einfach ein System, ber das ich gerade mit meinem Ex-Chef gesprochen habe. In der Wirtschaft versucht ebenfalls jeder, die Bezahlung einer ordentlichen Leistung dr cken zu m ssen. Mit dem Effekt, dass Projekte den Bach hinunter gehen, Ausschreibungen nur mehr ber linke Methoden gewonnen werden k nnen, und die Projekte anschlie end das Dreifache vom Angebotenen kosten.Aber ich betone noch einmal: Geiz ist geil . Und solange es keine Todesstrafe f r Werbetexter und Manager von Firmen gibt, die damit operieren, werden wir uns einfach anschauen.Fr her h tte man gesagt: Sparsamkeit macht sich bezahlt oder etwas hnliches.Heute ist Geiz zumindest im katholischen Sinn eine Tods nde erstrebenswert. Ja do leckts mi do am Oarsch, f llt mir dazu nur ein:)