FOTO SARIE

Het jy gehoor?

FOTO: Rolanda Marais se baba is hier

Die Afrikaanse aktrise Rolanda Marais kan in drie woorde opgesom word: talentvol, beeldskoon en stylvol. Sy kan in enige karakter se skoene klim en ’n uitstekende vertoning lewer. Die pryse en toekennings beaam dit. Maar nou gaan sy haar grootste rol nóg speel: Ma. 

Ja, die tyd het gevlieg en uiteindelik het kleine Charlotte James Malherbe haar opwagting gemaak. Sy is haar ma, Rolanda, en regisseur-pa, Jozua, se eersteling. Kan jy net dink watter lekker stories Charlotte by haar ouers gaan hoor?

Rolanda het vandag natuurlik gekraam in Johannesburg. Die grimeerkunstenaar Claudia Hamman, Sonja Herholdt se dogter, was haar doula.

Wat is ’n doula?

’n Doula ondersteun vroue tydens die geboorteproses en help die nuwe ma ook ná die bevalling, maar is nie ’n vroedvrou nie.

Eers was daar twee …

Rolanda en Jozua is vanjaar in Februarie voor vriende en familie by Old Mac Daddy in die Elgin-vallei getroud. Die paartjie het ná die troue eksklusief met SARIE gesels.

FOTO: Shanna Jones

FOTO Shanna Jones

Hier volg ’n uittreksel uit die April 2016-uitgawe:

“Die oomblik was byna te groot … My trane het vlak gelê. Nick Cave se ‘Into My Arms’ het gespeel, en elke keer dat ek die liedjie voor die troue geluister het, het ek begin huil. Toe besluit ek nee, ek gaan nie al my grimering afhuil nie. Toe ek skree, was die ys gebreek en ons almal het ontspan,” lag sy en Jozua met die herleef van dié onthou-oomblik.

FOTO Shanna Jones

FOTO Shanna Jones

FOTO: Shanna Jones

FOTO Shanna Jones

Dié staaltjie spreek boekdele van haar en Joz, soos sy hom noem, se verhouding – en van die atmosfeer by hul troue in die Overberg.

“Ons is albei ontspanne mense. Ons gun mekaar die ruimte om onsself te wees en ons is lief vir ons vriende, familie en vir kuier. Die laaste ding wat ons wou hê, was ’n stywe, formele troue. Ons albei werk in ’n wêreld van pretensie en ons troue moes oor óns gaan, nie oor die show nie,” sê Rolanda.

Hulle vul mekaar goed aan, sê Rolanda. “Joz is ’n ekstrovert en ek ’n introvert, maar hy het geleer om die stilte te waardeer vandat ons saam is. En hy hou my voete plat op die aarde – ek kan soms soos ’n deurmekaar kunstenaar voorkom.”

Maar die beste deel van getroud wees, sê sy, is dat hulle nou die res van hul lewens kan deel. Sy kyk diep in Jozua se oë. “Ek wil oud word saam met jou en oor alles gesels, jou elke dag leer ken.”

FOTO: Shanna Jones

FOTO Shanna Jones

FOTO: Shanna Jones

FOTO Shanna Jones

En natuurlik sal klein Charlotte voor hul oë groot word …

Soos die meeste dinge in Rolanda se lewe, was haar babatee baie stylvol. SARIE was ook daar, lees die volledige storie hier.

Dit was ’n Sondagmiddag, om drie-uur, toe Rolanda haar babatee vir klein Charlotte gevier het by Nice to Meet You. Dié venue behoort aan die regisseur en akteur Quentin Krog (Ballade vir ’n enkeling) se skoonfamilie, die Schoons.

Die styl was eie aan Rolanda, ouwêrelds en romanties.

FOTO Magriki van Graan

FOTO Magriki van Graan

Rolanda se ma, Charlotte, was saam met drie van haar susters by die tee. So ook Rolanda se ouma, Ouma Rolanda, wat ’n lappieskombers gebrei en as geskenk gegee het.

“Om jou medemens te respekteer en nederig te bly gaan jou baie ver in die lewe bring. Ons is almal geregtig op ’n plekkie in die son.”

Dís die les wat Rolanda se ma haar geleer het, en wat sy vir klein Charlotte ook sal leer.

FOTO Magriki van Graan

FOTO Magriki van Graan

Oor die jare het Rolanda ’n geliefde voorbladster vir SARIE geword. Kyk net al haar glansoomblikke:

SARIE April-uitgawe 2016

APR april 2016 Rolanda Marais voorblad cover

 

SARIE Januarie-uitgawe 2014

Rolanda Marais Januarie 2014

 

SARIE Mei-uitgawe 2012

SARIEMAY2012cover

 

SARIE Julie-uitgawe 2009

010709SRHOFC_OBC-570x746 2

 

SARIE September-uitgawe 2006

Screen Shot 2016-12-02 at 11.44.07 AM

Baie geluk, Rolanda en Jozua!

Lees nou

Ons kuier saam by Rolanda Marais se babatee

FOTO’S: Aktrise Rolanda Marais se sprokiestroue

FOTO’S: Aktrise Rolanda Marais se wittebrood