FOTO Instagram / @lalaland

FOTO Instagram / @lalaland

Het jy gehoor?

Ryan Gosling doen dít ook!

Hy is sjarmant, hy is talentvol, hy’s ’n pa. En hy kan sing! Is daar iets wat die Kanadese akteur Ryan Gosling nié kan doen nie?

Hollywood gons oor die fliek La La Land, waarin Ryan en Emma Stone die hoofrolle vertolk. Kritici meen, as jy die GoldDerby moet glo, dat albei sterre volgende jaar vir Oscars benoem gaan word vir hul spel in dié prent.

Op die oomblik lê Emma eerste in haar kategorie en Ryan derde in syne.

Kyk net hoe sing Ryan en Emma:

Die akteurs het regtig gesing terwyl die tonele verfilm is. Die meeste musiekblyspele se sang word vooraf opgeneem, dan sing die akteurs net speel-speel tydens verfilming. Ryan het ook vir drie maande intensief geleer hoe om klassieke jazz op die klavier te speel, berig Entertainment Online.

Maar Ryan is eintlik ’n musikant en kon voor La La Land bietjie klavier speel. Hy en sy goeie vriend Zach Shields het in 2007 die band Dead Man’s Bones begin. Hy sing nie net nie, maar speel die klavier, kitaar en baskitaar.

Hier’s een van hul treffers – hulle het dit by ’n ouetehuis opgevoer:

Lees nou

VIDEO: Madonna se Carpool Karaoke

Bekendes wys hul bloedjies

Komediant Amy Schumer gaan Barbie wees