FOTO Nina Kirsten

Het jy gehoor?

Therese Benade is verloof

Die Kwêla-aanbieder en aktrise Therese Benade is verloof! En wie is die gelukkige man wat haar hart gesteel het? ’n Argitek, Christian Bam.

“Ek het nie geweet daar bestaan sulke mans nie. Jy hoor net daarvan en glo nie dis moontlik nie, maar hy behandel my soos ’n prinses,” het sy in ’n onderhoud aan Netwerk24 gesê.

Die paartjie het Donderdagaand by die Cape Grace-hotel in die V&A Waterfront in Kaapstad verloof geraak. Hulle ken mekaar al sowat ’n jaar en is sedert Februarie in ’n verhouding.

“Christian het my heeltemal onkant gevang met die vraag, maar ek het natuurlik dadelik die ja-woord gegee,” sê ’n verheugde Therese in ’n persverklaring wat deur kykNET en Homebrew Films uitgereik is.

ThereseChristian-verloof

“Ek weet elke vrou sê dit altyd wanneer haar droomman haar vra om te trou, maar ek is regtig die gelukkigste vrou in die wêreld vandag.”

FOTO Nina Kirsten

Therese en Christian by SARIE se 6de Voorbladgesigkompetisie.  FOTO Nina Kirsten

Die paartjie gaan volgende jaar in ’n huis in Llandudno, Kaapstad, intrek.

In 2003 was die beeldskone Therese met haar olyfgroen oë ons voorbladster vir die Augustus-uitgawe. Ons kyk terug na haar mooi voorblad.

Therese Benade SARIE Augustus 2003

 

Baie geluk, Therese en Christian!

Lees nou

Ashton en Mila se baba hier

Wie is Jo Black?