Een jaar later: Só bly Andriëtte Norman op haar doelgewig

Deur Marguerite van Wyk, SARIE Augustus 2012

Een jaar later: Só bly Andriëtte Norman op haar doelgewig Foto’s: verskaf Galery

Haar konsertprogram is voller as ooit, sy is al sowat 'n jaar op doelgewig (nadat sy 10 kg sedert November 2010 afgeskud het) en sy wil boonop binnekort begin werk aan haar eie resepteboek. Sy droom selfs daarvan om eendag haar eie restaurant-teater oop te maak, want sy is passievol oor kook.

 

Andriëtte Norman is propvol planne. Daar is nog nie 'n naam nie, maar in Februarie 2013, gaan Andriette (25) van Brackenfell, Kaapstad, naaswenner van Idols in 2007, haar vierde album uitreik.

Haar eerste album, Diamant, beskryf sy as pop-kontemporêr. Verlede jaar het sy Vat my hoër uitgereik. Nóú is haar styl bloot kontemporêr. "My lirieke is dieper. Ek hou van sielsmusiek."

Haar nuwe album sal veertien liedjies bevat met lirieke deur onder andere Rudi Claase, Johan Oberholzer en 'n duet wat Chris Chameleon vir hulle geskryf het. Sy gaan ook twee liedjies self skryf (een van hulle saam met Helmut Meijer). Laasgenoemde gaan ook die produksie van die CD behartig.

"Ons begin in September opneem aan my nuwe album. Dan is daar ook Skouspel in Oktober. 'n Groot hoogtepunt in my musiekloopbaan. Ek is so opgewonde. Daar is net 'n sekere vibe rondom dit. Ek was al van 2008 tot 2010 bevoorregd om daar op te tree. Dis so spesiaal om voor 5 500 mense in die gehoor en daai groot orkes in die agtergrond te sing. Die gees is elektries."

En sy sien baie uit na die mooi rokke wat hulle gaan dra. Veral met haar "nuwe" lyfie.

"Ek bly weg van brood en suiker en eet ook nie meer saans enige stysels soos rys of brood nie. Groente en 'maer' vleis is maar die antwoord. Ek oefen boonop vier keer per week met `n persoonlike afrigter. Dis die beste ding wat ek ooit kon doen. Dit het my sowat 'n jaar geneem om die gewig af te skud en ek handhaaf dié gewig nou al sowat n jaar lank. Ek wou dit stadig doen sodat dit 'af' bly."

Die lekkerste is dat sy nou kan dra net wat sy wil want sy voel selfversekerd en alles lyk goed.

Sy voel boonop gesond en het woema vir haar vol konsertprogram. "My dagboek is vol konsertvertonings regoor die land vir die res van die jaar."

Maar eers wil sy haar nou toespits op die maak van haar nuutse album. "Ek is ontsettend opgewonde oor my musiek. Ek wil vir mense vertel wat my gelukkig en hartseer maak. Dis vir my lekker as mense saam met my meegevoer raak en daarom wil ek musiek maak wat mense se harte week maak, wat hulle laat nadink . . ."

Verwante artikels

Galery

  • Andriëtte Norman
  • Andriëtte Norman

Kommentaar

  • Rene Marais het gesê:

    Ja, ek stem saam met die ander se kommentaar!! Jy MOES Idols gewen het; maar dit maak nie saak nie, mens hoor nooit eens van die wenner nie, maar jy laat die albums rol!! Jy is pragtig!! Alles van die mooiste vir die toekoms♥

    28ste Feb. 2013, 09:16

  • oom Flip en tannie Louisa Basson het gesê:

    Andriette,kind sedert idols wat jy MOES gewen het, kyk diem tannie en ek na jou en luister na jou musiek. Jou pragtige stem,glimlag en net om jouself te wees,soos jy is,plat op die aarde almal met respek te behandel verdien jy ook al die respek van ander. Nou is jy nog mooier ,en as ek nie so oud was nie het ek jou gevra of jou pa nie 'n skoonseun soek nie. JY IS PRAGTIG EN ONS IS LIEF VIR JOU

    29ste Aug. 2012, 06:19

  • Engela het gesê:

    Andriette, Fenomenaal!!! Jy is spesiaal!

    28ste Aug. 2012, 08:34

  • Malinda Olivier het gesê:

    Mal oor haar ! Sy lyk stunning !!!!!!

    26ste Aug. 2012, 19:36

  • Theo het gesê:

    Mooi bly maar mooi. Dan kan sy nog sing ook. Soos hulle se : Liewe Jesus het afgeshow toe Hy vir Andriette gemaak het

    26ste Aug. 2012, 18:45

  • Trudi het gesê:

    Jy is 'n pragtige vrou - BLY soos jy is !! EN dan sing jy ook nog baie mooi..... Trots om te sê jy is Afrikaans.. !

    25ste Aug. 2012, 10:48

  • Veronica Scheepers het gesê:

    Jy is ons inspirasie, pragtig en n baie mooi, opregte kind om op trots te wees. Hou so aan - jou musiek is awesome om na te luister.

    25ste Aug. 2012, 10:09

  • Maryke van SARIE het gesê:

    @Glodine. Dankie dat jy ons fout uitgewys het! Ons het dit so in die kopie verander. Jammer hieroor!

    24ste Aug. 2012, 14:41

  • Glodine het gesê:

    Dit is nie haar derde album nie maar haar vierde! Haar tweede album se titel is "Dink aan my". Sy is pragtig ek is ook mal oor haar.

    24ste Aug. 2012, 11:20

  • nikki het gesê:

    Jy lyk stunning . Ek is natuurlike een van jou groot fans !

    24ste Aug. 2012, 09:35

  • Johan Beneke het gesê:

    Vir so 'n klein mark het ons darem vrek baie sangers. Meeste van hulle, nie noodwendig die dame nie, woel rond tussen banaal en geteem, met weinig tussen. Nogtans koop ons hulle produk.

    23ste Aug. 2012, 23:04

  • Charmaine Nagel het gesê:

    Asemrowend!. Jy is 'n pragtige mens van binne en buite.Pragtige stem en geniet terdee jou musiek. Sien baie uit na jou nuwe CD. Jy gaan baie groot sukses nog behaal in die toekoms - jy straal altyd.

    23ste Aug. 2012, 22:29

  • Lettie het gesê:

    Sy is pragtig.Lieflike stem,

    23ste Aug. 2012, 21:10

  • Oom André het gesê:

    Pragtige mens, pragtige geaardheid, pragtige stem, pragtige liedjies............... "my kind of girl".

    23ste Aug. 2012, 15:39

  • Joey Venter het gesê:

    Jy lyk baie goed. Jy het my geinspireer. Ek gaan probeer en kyk wat gaan gebeur. Hou so aan!!! Jy lyk stunning

    23ste Aug. 2012, 15:22

  • Sanette Oosthuizen het gesê:

    my liefling sangeres in SA op hierdie stadium

    23ste Aug. 2012, 14:51

  • Ronel het gesê:

    Pragtig en sy lyk soooo goed !

    22ste Aug. 2012, 19:46

  • Karinvr het gesê:

    Sy is pragtig en haar stem ook!

    22ste Aug. 2012, 16:48

  • Jennilee Sale het gesê:

    'n pragtige kind met haar voete op die aarde...hou so aan! Jy is pragtig en lyk wonderlik

    22ste Aug. 2012, 10:46

  • Elnette van Eeden het gesê:

    Sy is net pragtig binne en buite!!!

    22ste Aug. 2012, 10:21

  • RINDI SCHEEPERS het gesê:

    Andriette jy lyk so goed. Inspirasie vir ander!!

    22ste Aug. 2012, 10:00

  • Karin het gesê:

    Hierdie is vir my een van ons oulikste sangeresse op die oomblik. Goeie stem, baie oulike persoonlikheid.

    22ste Aug. 2012, 08:26