Penelopé Cruz kry haar ster in die Walk of Fame
Foto’s: www.go4celebrity.com
Honderde kunstenaars is al so vereer, en die 2 436ste ster gaan aan Penelopé Cruz.
Dié 36-jarige aktrise was in 2009 die eerste Spanjaard wat ’n Oscar wen. Sy het dit gekry vir haar rol in die prent Vicky Cristina Barcelona en word daarvoor vereer met ’n ster in Hollywood se Walk of Fame.
Die plegtigheid is Vrydag, 1 April, voor die El Capitan Theatre en regisseur Rob Marshall sal die geleentheid open.
Sy laat egter nie dié erkenning na haar kop toe gaan nie. “Ek wil nie te seker van myself wees nie. Ek het vir soveel jare in respek en gesonde vrees vir die werk geleef, ek sien nie hoekom dit nou moet verander nie,” het sy aan Banks Showbiz vertel.
Sy en haar man, Javier Bardem, het onlangs hul eersteling, Leo, in die wêreld verwelkom.
Verwante artikels
-
Penélope Cruz is ’n ma!
SARIE - Januarie 2011 | Kommentaar: 1
Penélope Cruz se eerste baba is gister (Dinsdag 25 Jan) gebore. Die Spaanse koerant El País berig dat sy in Los Angeles in die Cedars-Sinai-hospitaal die baba in die wêreld gebring het.
-
Penélope Cruz oor familie
SARIE - April 2010
-
Penélope Cruz trou
SARIE Julie 2010
Die nuus is pas uit! Die pragtige Spaanse aktrise, Penélope Cruz (36), en haar liefde, mede-Spanjaard en akteur Javier Bardem (41), is stil-stil by 'n vriend se huis in die Bahamas getroud.
Kommentaar