Natalie Portman verloor 10 kg, is benoem vir Golden Globe-toekenning

SARIE - Desember 2010

Natalie Portman verloor 10 kg, is benoem vir Golden Globe-toekenning Foto’s: www.go4celebrity.com Galery

Natalie Portman is benoem vir ’n Golden Globe in 2011 en die hele Hollywood gons reeds oor ’n Oscar-benoeming óók vir haar spel in Black Swan. Só berig www.people.com

Vir dié rol moes sy ’n volle 10 kg afskud, en sy was reeds plankdun! Sy erken sy het deur hel gegaan om dit te kon regkry. “Ek het vir maande lank 5 ure per dag geoefen, ek moes ballet doen en ek het baie geswem,” het sy aan www.showbizspy.com vertel.

Sy kon nie wag dat die verfilming moes eindig sodat sy weer kon begin normaal eet nie! “Ek het net pasta en pasta en nog pasta geëet!” bieg sy. 

Dit was vir haar baie moeilik om nie saam met haar vriende lekker gesellig te kon wees nie, want die versoeking om iets te eet of iets anders as water te drink, was net te groot. Dit, en die feit dat jy konstant jou liggaam deur vreeslike pyn sit, was vir haar die heel ergste.

Tog het sy nooit opgehou eet nie, sy het baie gesond geëet en haar porsie-groottes streng dopgehou.

En behalwe vir die dieet moes sy ook omtrent agt ure per dag saam met ’n choreograaf oefen om die karakter van die ballerina foutloos te kon vertolk. Maar daarvoor het sy nie omgegee nie, want die choreograaf, Benjamin Millepied, is nou haar kêrel.

Na afloop van die verfilming van die fliek was sy baie verlig dat daar nie later van die tonele uit die fliek weer geskiet moes word nie, want sy sou verseker nie meer in die kostuums gepas het nie! Tog het die dieet en die intensiewe oefening haar gehelp om die selfdissipline van ballerinas te verstaan, en sy kon die karakter beter speel.

Verwante artikels

Galery

  • Natalie Portman
  • Black Swan se fliekplakaat

Kommentaar

Web Development by FormFunction