SA-modelle in die fliek, Spud
Dis 'n mooi affêre hierdie - dis nou die vroulike rolverdeling vir die fliek van die topverkoper-roman deur John van de Ruit, Spud. Nuus24 berig dat drie plaaslike modelle die drie vroulike hoofrolle in die rolprent losgeslaan het: Charlbi Dean Kriek, Alex McGregor en Tanit Phoenix.
Tanit is g'n vreemdeling op die silwerdoek nie. Sy het al in 'n reeks flieks gespeel ondermeer in Lord of War teenoor Jared Leto.
Volgens berigte het Charlbi die vervaardigers in haar eerste oudisie aangenaam verras.
En ja, Alex McGregor is lid van daardie baie bekende en pragtige McGregor-clan. Sy is familie van bekende modelle Kerry en sus Tracey McGregor. Alex is 'n bekende op die verhoog en het rolle in die verhoogproduksies Grease en Charlotte's Web vertolk.
Charlbi en Alex speel die rolle van Spud se liefdes. Tanit is die sexy drama-onderwyseres wat 'n verhouding met een van die leerlinge aanknoop.
John Cleese, Britse akteur wat bekend is vir sy rol in Fawlty Towers, speel die rol van die eksentrieke onderwyser.
Verwante artikels
-
Kerry McGregor se skoonheidswenke
SARIE - September 2009
Model Kerry McGregor glo aan 'n tikkie lipglans.
-
Ontmoet model en aktrise Charlbi Dean Kriek
SARIE Januarie 2010
Hou haar dop! Sy's beslis een van SARIE se inspireerders vir 2010.
-
Só lyk top-modelle sonder grimering
SARIE - Augustus 2009 | Kommentaar: 1
Hulle is beeldskoon: vlekkelose vel, mooi wangbene, donker oë en volronde lippe. Hulle is top-modelle, en daar's 'n rede waarom hulle op al wat 'n loopplank is, pronk.
-
Spud se skrywer het 'n tsoenami oorleef
SARIE - Desember 2010
John van de Ruit oorleef tsoenami, nou bring 'Spud' miljoene in.
Kommentaar