Gee hom 'n roos - Steve kry sy eie
Foto’s: Phyllis Green en verskaf Galery
Steve Hofmeyr het Saterdag 10 Oktober 2009 sy eie roos ontvang. Die roos is spesiaal deur Ronald de Leeuw gekweek en by Plant Paradise Garden Centre in Moreletta Park aan Steve oorhandig.
Ronald, van Leeuw's Garden Roses, het gesê hulle het die roos gekweek omdat hulle Steve wou eer vir sy besondere bydrae tot Afrikaanse musiek deur die jare, en vir wat hy steeds vir Afrikaans doen.
Steve het op sy beurt in besonder die vroue in sy lewe bedank wat hom deur moeilike jare gehelp het. Veral sy ma, Carien: "Wanneer ek seerkry, is daar een mens wat seerder kry. Wanneer ek gelukkig is, is daar een mens wat ekstaties is. Deur alles is sy my anker - my Ma."
En dan sy vriendin Suné en die vroue by sy kantoor: Leeza Mulder, Amanda Breedt, Lindi du Preez, René Duvenage en Amanda Singleton. Hy het ook gesê as daar een klomp mense is vir wie hy 'n roos skuld, is dit sy groep. Hulle is die mense wat hom staande gehou het.
Op die roos self is hy trots. Hy hou van die diepte en die skakering daarvan. Alhoewel hy nou nie self tuin maak nie, sal hy beslis 'n hele klomp van die rose rondom sy huis aanplant. Maar buite bereik van sy takbok, Bok, en sy skaap, Blêr!
Verwante artikels
-
Roer! - Steve Hofmeyr se varkfilet
SARIE - Julie 2009
In plaas van die gewone beesfilet maak Steve 'n lekker varkfilet wat jy voorsit met kapokaartappels en 'n pepersous
-
Roer! - Steve se roomys met sjokolade sous
SARIE - Julie 2009
As jy gedink het dis net die gewone roomys met sjokoladesous, dink weer! Soos 'n mens van Steve kan verwag, maak hy dit 'n interessante nagereg.
-
Roer! Steve Hofmeyr se hoenderlewertjies met spek en Peppadews
SARIE - Julie 2009
Lewer is iets waaroor nie almal gaande is nie, maar jy moet ten minste eenmaal Steve se happies probeer! Die Peppadews gee dit ekstra-lekker skop
-
Steve Hofmeyr blog oor Liefling die movie
SARIE - November 2010 | Kommentaar: 1
Steve Hofmeyr het onlangs op sy blog oor Liefling, die movie geskryf:
-
Steve Hofmeyr sien 'n gewapende rooftog - hy praat met sarie.com
SARIE Maart 2010 | Kommentaar: 13
Dít het Steve Sondag 28 Maart 2010 op Twitter gesê.
-
Steve-fans sê hul sê
SARIE - Oktober 2009 | Kommentaar: 13
Kommentaar
lukas.nortier het gesê:
los die man uit vir n slag. Ek hoop dat hy en sy vrou tot n vergelyking sal kom vir die kinders se onthalwe. hou op om die splinter in ander se oe te kyk en kyk na die boom in jou oe.
30ste Mar. 2010, 11:27Christelle van Staden het gesê:
Ag nee regtig - om 'n roos na Steve te vernoem is belaglik. Ja - vir Afrikaans het hy sekerlik baie gedoen, maar ek kan nie 'n roos met Steve vereenselwig nie. Die dorings wel.......
14de Okt. 2009, 12:48