FOTO: Getty Images

Bekendes

Dié Hollywood-bekendes het blou bloed

Ons almal droom daarvan om blou bloed te hê. Maar dié Hollywood-bekendes het sowaar bande met die Britse koninklikes! Kyk wie deel dieselfde voorvaders.

Johnny Depp en koningin Elizabeth II

Die Amerikaanse akteur en Britse monarg is albei afstammelinge van Edward III, koning van Engeland vanaf 25 Januarie 1327 tot met sy dood op 21 Junie 1377.

Guy Ritchie en Kate Middleton

Die Britse regisseur Guy Richie en Kate Middleton, hertogin van Cambridge, is albei nasate van David en Sarah (Meadows) Martineau, wat in die 1700’s in Engeland gelewe het. Richie was ’n gas by Kate en William se troue in 2011.

Madonna, Céline Dion en Camilla Parker Bowles

Twee van die wêreld se grootste popdivas en prins Charles se vrou is ver langs familie! Hulle kom almal uit ’n familie wat in die 1700’s prominent in Frankryk was.

Hilary Duff en koningin Elizabeth II

Hilary Duff en die Britse monarg het 18 geslagte gelede ’n grootjie gedeel.

A post shared by Her Majesty (@queenelizabeth) on

Pres. George W. Bush en prinses Diana

Die jonger oudpresident van Amerika is ver langs ’n neef van prinses Diana. Albei is afstammelinge van Thomas en Maria (Tromdin) Mitchell, ’n egpaar wat in die 16de eeu geleef het. Terloops, George W. Bush is ook ver langs familie van Hugh Hefner en Marilyn Monroe!