FOTO Facebook / Gordon Ramsay

Bekendes

Leer kook by supersjef Gordon Ramsay

Het jy al ooit gedroom van kookklasse by ’n supersjef soos Gordon Ramsay? Wel, nou kan jy dit vroeg in 2017 doen vir net sowat R1 350!

Gordon Ramsay het verlede week op sy Facebookblad aangekondig dat hy jou gaan leer om soos ’n sjef kos te maak, en wel met ’n unieke reeks kookklasse aanlyn. Die klasse begin met die basiese vaardighede soos hoe om ’n mes reg te gebruik tot ingewikkelde geregte wat self vaardige sjefs bang maak, soos beesvleis Wellington.

FOTO Gordon Ramsay Facebook

FOTO Facebook / Gordon Ramsay

Vir $90 (sowat R1 350) kry jy 15 klasse wat jy aanlyn kan kyk om te leer. Die klasse sluit ook ’n volledige inkopielys in wat jy aflaai sodat jy kan saamkook soos Gordon jou leer.

“Jy gaan ’n kant van my leer ken wat die wêreld nog nooit gesien het. Dit is nie teater of ’n plek waar ek wil vermaak nie. Dis ’n kookskool waar ek my sjefskennis van die afgelope jare met julle wil deel. Die vaardigheid wat ek geleer het om die sjef van ’n Michelinster-restaurant te wees,” vertel Gordon op sy webwerf.

Kyk hier na ’n voorskou van die klasse

As jy nie tot Januarie kan wag nie en ook graag wil leer kook, kan jy nou al hier registreer vir die klasse of dit selfs as geskenk gee – klik hier