• Tuis
  • Bekendes
    • Ons praat met
      • Agter die skerms met Suzette van der Merwe en haar kinders

Agter die skerms met Suzette van der Merwe en haar kinders

Deur Fanie Cronjé, SARIE - September 2009

• Druk
•   6

Baie van ons onthou nog die aand toe Suzette van der Merwe Mej. SA se kroontjie op haar kop gekry het. In daardie bottergeel aandrok het álmal haar bewonder.

En ons hou steeds van haar. Én sy lyk vandag nog net soos toe!

Hier staan sy voor my, so lank soos ek. Twee keer! (En ek is nie eintlik kort nie.) Met lang, dik swart hare en ’n glimlag wat soos ’n ryp granaat oopbreek as sy lag. Ontspanne.

Maar ek het mos al geleer, sulke fotosessies vir SARIE is nie altyd so ontspanne nie . . .

Suzette het ingestem dat ons ook haar kinders, Graydon en Skye, deel maak van die foto’s. Die sessie sou oor twee dae strek. Een dag om die foto’s by 'n huis in Westcliff te neem met kinders en honde en al, en dan die voorbladsessie. Die huisfoto’s was die Donderdag. Baie lekker, geen probleem nie. Skye is ’n juweel. Op sewe het sy hoeka reeds aspirasies om self model te word, nes haar ma. En Graydon doen wat van hom gevra word met ’n glimlag.

Eerskomende Dinsdagoggend is dit tyd vir die voorblad. Maar laat die Sondagaand kry ek ’n SMS. Van Suzette. Sy het pienk-oog! Sy was dokter toe en glo sy sal reg wees vir die kamera, sy wil my net op die hoogte hou. Dankie tog!

Maandag laat weet sy. Die ander oog het ook nou infeksie!

Die sperdatum kom nader. Die fotograaf Leana Clunies-Ross is besig. Álmal is besig, grimeerkunstenaar, haarstileerder, ’n mens kan nie net datums op kort kennisgewing skuif nie, dit moet almal pas.

Wat nou? Haar met ’n donkerbril afneem? Op die voorblad van SARIE? Dit word hoop vir die beste. Oproepe, datums wat teen wil en dank geskuif word, oproepe, ’n dagboek volgekrap, oproepe . . .

Ons haal die sperdatum met broekspante wat aan ’n doringdraad hang.

En Suzette lyk so mooi soos altyd . . .

Ns. Ek kan nie wag vir die dag dat ek ’n voorbladfoto van Skye doen nie. Sy is lieflik!

In die September-uitgawe van SARIE (vanaf 10 Augustus te kry) gesels Suzette openhartig ná 2 mislukte huwelike.

Verwante artikels

• 

  Agter die skerms saam met Vicky Davis

  SARIE September 2010 | Kommentaar: 1

  Ons het haar leer ken in Pasella en 7de Laan, maar Vicky Davis se lewe strek van Bollywood tot Rome. Hier's sy agter die skerms van SARIE se voorbladsessie te sien

• 

  Desember 2009-modefotosessie: Agter die skerms

  SARIE - Desember 2009 | Kommentaar: 1

  Wat 'n heerlike shoot!

• 

  Die X-faktor van ons November-voorblad - Fanie verklap . . .

  SARIE - November 2009

  Voormalige Mej. Heelal Michelle McLean lyk sprankelend in Tiaan Nagel se koraalpienk ontwerpersrok op ons November-voorblad. Kom loer saam agter die skerms

• 

  Sangeres Alta Joubert se woema-geheime

  SARIE Julie 2010

  Folkrock-sangeres Alta Joubert (33) was reg vir “’n bietjie afskaal” toe sy swanger raak – maar toe gebeur die teenoorgestelde.

• 

  Suzette van der Merwe: ‘Ek was nog nooit verlief nie’

  SARIE - September 2009 | Kommentaar: 6

  Suzette van der Merwe was al twee keer getroud, maar het nog nooit regtig liefgehad nie, sê sy eerlik. Vorentoe gaan sy haar hart, eerder as haar kop, vertrou

Galery

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•