Fanie Cronjé se 5 min met Kim Engelbrecht

Deur Fanie Cronjé, SARIE - Januarie 2011

Fanie Cronjé se 5 min met Kim Engelbrecht Foto’s: verskaf Galery

Die pantomime Robinson Crusoe and the Caribbean Pirates is in die Joburg-teatersentrum in Johannesburg opgevoer.

Die Isidingo-akteur Kim Engelbrecht speel die rol van Bobbin, Robinson se suster.

Is dit lekker om in ’n pantomime te speel?
Dit is. Dis iets heel anders as waaraan ek gewoond is. Dit is baie werk.

Wat maak dit harde werk?
Dis ’n uitdaging om die ritme en styl reg te kry, want die produksie is vir kinders én volwassenes. Ek kan nie sing nie en ek kan nie lekker dans nie, man. Ek kan net op die dansvloer lekker dans. Dit is totaal en al ’n ander ding. Gelukkig het ek net een dansnommer. Die res is op die
agtergrond. Ek moet vir jou dit sê, dié is nie ’n plek vir mense wat hulself ’n ster hou of anders behandel wil word nie. Ek is moeg en wil net gaan slaap.

Geen wonder jy is moeg nie, jy moet die hele dag op en af spring en gesigte trek.
Kyk, dit is ’n groot eer om hier te wees. Janice Honeyman is ’n briljante regisseur. En Heidi wat die musiek-regie doen, is wonderlik. Almal is wonderlik.

Het jy steeds die mees gesogte hare in die TV-bedryf?

Ja, kan jy glo. Ek weet nie waar hulle daaraan kom nie. Maar ja, die mense sê baie hulle wil hare soos myne hê. Kry ’n bietjie vir my ’n haarsorg-borg, man. Terwyl ek nog jonk is. Netnou val al my hare uit van die spanning en dan is dit te laat!

Verwante artikels

Kommentaar

Web Development by FormFunction