Fanie gesels met Michelle Pienaar, Binneland Sub Judice se Yvette

Deur Fanie Cronjé, SARIE September 2010

Fanie gesels met Michelle Pienaar, Binneland Sub Judice se Yvette Galery

Sy het bekend geword nadat sy 'n Egoli-wedstryd in SARIE gewen het. Toe verdwyn sy 'n ruk om ma te word van Joshua Peter Crosson, nou 9 maande oud. Haar terugkeer na TV is as Yvette Stuurman in die sepie Binneland Sub Judice.

Hou jy jou van Pienaar of gaan jy nou bekend wees as Michelle Crosson?
Ek bly Pienaar. Dis my verhoognaam.

Hoe lank was jy sonder job?
Nie lank nie. Net 9 maande.

Niks verhoogproduksies tussen-in nie?
Man, ek het 'n boepie gehad. Ek kon nie regtig nie.

'n Mens hoor so dikwels aktrises sê ma-wees is hul grootste rol tot dusver. Dis so 'n cliché?
Dit was maar moeilik aan die begin. Noudat ek dit gewoond is, is dit nie so sleg nie.

Hoekom speel jy altyd die persoonlike assistent?
Nee, ek speel nie nou die PA nie. Yvette is die kantoorbestuurder.

Dis maar dieselfde ding.
Dalk is dit. Maar sy is 'n baie sterk vrou.

Is dit vir jou lekker by Binneland Sub Judice?
Baie. Ons werkomgewing is 'n plesier. As jy in 'n mooi plek werk, is jy positief.

Watter een van die mense is jou gunsteling om teenoor te speel?
Ek is nog nie so lank daar nie. Ek kan nog nie sê nie.

As jy een karakter in Egoli in Binneland kan laat inskryf, wie sal dit wees?
Jana Strydom. Sy was 'n ruk lank in Egoli. Sy's 'n goeie aktrise én aangenaam.

Verwante artikels

Kommentaar