Emmy-toekennings 2010: Wie het wát gedra?

SARIE Augustus 2010

Galery

Hier is die mode-wenners van 2010 se Emmy-toekennings.

Die modes op die rooi tapyt is soms baie meer opwindend as die uitdeel van die toekennings. Tydens gisteraand (Sondag 29 Augustus) se Emmy-toekennings was koningsblou die grootste modekleur en vroulike valle het rok ná rok sag na die grond getuimel. Die nousluitende styl met 'n effense sleep het hoogdy gevier.

Soos altyd was swart - in kombinasie met wit - ook 'n klassieke keuse. Interessante detail soos materiaalrose, geometriese patrone en deursigtige lae het dié klassieke treffers 'n moderne gevoel gegee. Blinkers het ekstra glansrykheid aan die geleentheid verleen en sagte laventel het uitgestaan tussen die strak swart en koningsblou. Skouerlose of een-skouer bo-stukke was ook gróót nuus.

Húlle het ons aandag getrek:

CLAIRE DANES (foto bo) het 'n pragtige Giorgio Armani Privé bronskleurige rok met duisende blinkertjies gedra. 'n Rok soos dié vra vir min bykomstighede!

KIM KARDASHIAN lyk soos 'n Griekse godin in haar Marchesa-rok.

Kim Kardashian

EMILY BLUNT was sag in laventel. Haar eenskouerrok is deur Christian Dior gemaak.

TINA FEY van 30 Rock het 'n elegante Oscar de la Renta-rok met geometriese detail gedra.

Tina Fey

HEIDI KLUM het haar lenige bruingebrande bene gewys met 'n ekstra-kort rokkie deur Marchesa. Die prentjie is netjies afgerond met Christian Louboutin-skoene - hoe dan nou anders!

Heidi Klum

KELLY OSBOURNE het nog nooit so mooi gelyk nie! Die lae V-nek-halslyn het haar nuwe figuur pragtig beklemtoon. Die rok is ontwerp deur Tony Ward.

Kelly Osbourne

EVA LONGORIA PARKER moes fyntrap om nie elke keer haar Robert Rodriguez-rok raak te trap nie. Kyk net die mooi detail!

Eva Longoria

KYK OOK:

Instyle se fotogalery

E-Entertainment se Fashion Police

Verwante artikels

Bekende SA TV-vrou wen gróót oorsee

SARIE September 2010 | Kommentaar: 1

Gesoute TV-joernalis van 3rd Degree (op e.tv), Debora Patta, het in 2010 die Italian Women in the World-prys in Bologna, Italië gewen.
Louis Vuitton, Bono op Upington

SARIE September 2010

Droë gras, bossies, heuwels en wie sou nou kon dink: Louis Vuitton!
Resepte vir Hollywood-styl mengeldrankies

SARIE - Maart 2011

'n Hoogtepunt op Hollywood se kalender is die jaarlikse Bafta’s (Orange British Academy Film Awards). Boonop het 2011 se after party beslis skop gehad.
Rol uit die rooi tapyt! Dis weer tyd vir die Emmys

SARIE Augustus 2010

Hollywood gaan Sondagaand (29 Augustus 2010) behoorlik skitter met sy blinkste sterre, glansryke uitrustings en blinkgevryfde Emmy-toekenings.
SA-aktrise vir Emmy benoem, maar het nie geld om te gaan nie

SARIE - Oktober 2010 | Kommentaar: 12

Lerato Moloisane- stiefsuster van die Idols-beoordelaar, Proverb - is vir 'n gesogte Emmy-toekenning in Amerika benoem vir haar rol in die plaaslike drama, Home Affairs. Maar sy het nie genoeg geld om die seremonie in New York by te woon nie.