• Tuis »
  • Bekendes »
    • Voorbladvoorkoms »
      • Agter die skerms saam met Vicky Davis

Agter die skerms saam met Vicky Davis

Deur Fanie Cronjé, SARIE September 2010

• Druk
•   1
• Pin It

Ons Oktober-voorblad is regtig anders. Dalk nie in formaat en voorkoms nie, maar anders in hoe dit gebeur het.

Want sien, Vicky Davis is 'n Kaapse meisie, dis waar sy woon en werk. En dis dan ook waar die foto's geneem word. 'n Eerste vir my wat gewoonlik so gerieflik met my eie span werk! Soos 'n goed geoliede masjien weet elkeen wat van hulle verwag word. Hulle ken SARIE-voorblad-shoots, weet wat om te doen en nog belangriker, wat om nie te doen nie.

Maar nou werk ek met 'n nuwe span. Vir Vicky self het ek nog nie ontmoet nie, hoewel ek haar al lank dophou. Mooi fyn soos 'n bokkie, en 'n reusetalent, was my eerste indrukke.

So is ek toe op 'n laat Donderdagaand op pad Kaapstad toe met die groot, swaar tas propvol klere en skoene en juwele. Dit begin sommer deurmekaar. Gewoonlik pak ek rustig al my uitrustings uit op 'n reling. Meg en pas en sit goed by. Maak die prentjie op presies soos ek dit sien, en vat nog 'n paar ekstra kledingstukke vir ingeval dié wat ek gekies het nie werk nie. Dít kon ek natuurlik nie nou doen nie, want spasie en gewig is mos 'n probleem. Maar dit daar gelaat, dis nie soseer die probleem nie, dit kom nog!

Sowat drie, vier maande gelede het my kollega Maryke my vertel van 'n SA ontwerper wat juwele maak in Londen, en wat letterlik internasionale sukses behaal. Met die halssnoer op pad word Vicky se hele sessie rondom die halssnoer gereël. En toe, toe ons moet shoot, is daar geen halssnoer nie! Wat 'n teleurstelling. Ons moes toe die fotosessie laat werk, en soos altyd hét ons 'n voorbladfoto laat werk. Vicky het nie eers agtergekom daar is iets weg nie. Gelukkig het ek 'n tweede opsie, of om in akteurstaal te praat, 'n understudy, 'n supporting act, byderhand gehad. Baie mooi, moenie 'n fout maak nie. Dit het vir my gelyk soos iets wat Nicole Kidman in Moulin Rouge kon dra.

Die understudy is nooit heeltemal so goed soos die eerste keuse nie, daar is immers ʼn rede hoekom daar in die eerste plek op die, wel, eerste keuse besluit is! Maar sommige mense reken dat nommer twee dalk selfs beter kan wees. Ek weet nie. Ek weet net: Gaan aan, maak jou planne, maar maak net seker jy het 'n plan B!

Verwante artikels

• 

  Agter die skerms met Suzette van der Merwe en haar kinders

  SARIE - September 2009 | Kommentaar: 6

  Suzette was al twee keer getroud, maar het nog nooit regtig liefgehad nie, sê sy eerlik. Vorentoe gaan sy haar hart, eerder as haar kop, vertrou. Sy wys ook haar kinders in dié September-artikel. Kom kuier agter die skerms

• 

  Rolanda toor met SARIE se ou voorblaaie: Agter die skerms

  SARIE - Julie 2009 | Kommentaar: 3

  Byna 60 jaar later is gister se glans vandag se modes. Dit lyk kompleet asof Rolanda Marais uit 'n vintage-SARIE-voorblad stap - speels, stylvol, sjarmant.

• 

  Só voel Anna-Mart van der Merwe oor SARIE

  SARIE - Augustus 2009 | Kommentaar: 6

  Kuier ook saam met Fanie agter die skerms by Anna-Mart se voorblad-sessie

• 

  Vicky Davis oor die liefde, Gretha Wiid

  SARIE - Oktober 2009 | Kommentaar: 3

  Ons het haar leer ken in Pasella en 7de Laan, maar Vicky Davis se lewe strek van Bollywood tot Rome. En sy't sterk menings - van Gretha Wiid tot Steve!

• 

  Vicky Davis: 'So bly ek aktief in die winter'

  Ek verlep in die somer. In die winter kry ek nuwe lewe.

• 

  Vicky wat waag

  SARIE - Oktober 2009

  Ons het haar leer ken in Pasella en 7de Laan, maar Vicky Davis se lewe strek van Bollywood tot Rome. En sy’t sterk menings – van Gretha Wiid tot Steve!

Galery

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•