Corlea-voorblad: Fanie verklap geheime wat figuur vlei
Foto’s: Aubrey Jonsson Galery
Corlea Botha se mooi gesig, naas haar fantastiese stem, is ongetwyfeld haar beste bate. Haar pragtige porseleinwit vel, groen oë en pikswart hare maak haar ’n moderne Sneeuwitjie. Dít is haar bates wat sy altyd moet koester.
DIE MAGIC VAN HAAR VOORBLAD-ROK
DIE KLEUR
Die noupassende rok in saffierblou van Tadashi Shoji by Tik-Lee is die perfekte keuse vir Corlea! Net soos verslankende swart, skep vlootblou dieselfde illusie as swart, maar net met meer dimensie. Dié spesifieke kleur komplimenteer haar gelaat en donker haarkleur perfek.
DIE SNIT EN STYL
Die snit en styl van haar rok gee 'n appel-lyf mooi vorm, spesifiek die A-lyn-hals wat net onder die borste netjies in 'n interessante knoop bymekaarkom. Dít sowel as die kant-insetsels lei die oog na haar middellyf en help om 'n dunner middellyf te skep. Daarom is oorvourokke altyd 'n goeie keuse as jy 'n dunner middel soek.
Die lycra-voering van die rok is ook noupassend en soos dié van 'n swembroek. Die vou-detail van die rok se bo-deel skep die indruk van 'n lospassende snit. Die skouerkussings help ook om die uurglas-fatsoen te skep.
Appel-lywe pasop!
Die grootste fout wat iemand met ’n appelvormige lyf kan maak, is om oorgroot klere te dra.
DIE HARE
Corlea het natuurlike reguit hare en dit werk die beste vir haar. Die kuif maak haar gesig sagter en verdoesel die rondheid van haar gesigvorm.
Ek hou veral daarvan dat daar ’n bietjie hare oor haar gesig hang, naby haar oog. Ek dink dit gee net dimensie.
Só blaas jy jou hare mooi reguit: Draai jou hare in met groot krullers. Dit gee volume en lig die wortels. Blaas droog, haal die krullers uit en blaas dan jou hare reguit met ’n groot ronde borsel. Jou hare sal self uitsak.
DIE OË
Weer eens is ’n natuurlike grimeervoorkoms die beste. Ek wou tog ’n bietjie drama op Corlea se oë hê om dit te beklemtoon en het besluit op ’n subtiele rokerige oog.
So het ons gemaak:
- Wend brons oogskadu egalig aan tot net bo die vou van jou oog.
- Wend ’n gryspers oogskadu bo-oor aan en skakeer goed, veral uitwaarts.
- Omlyn oë bo (in die wimpers) met ’n swart oogpotlood en skakeer die streep (gebruik sommer ’n wattestokkie) om ’n smeulende voorkoms te kry.
- Rond af met ’n paar lae swart maskara.
Onthou, blosser gee altyd ’n wonderlike gesonde voorkoms!
Dieselfde uitdagings as Corlea? Hier is nóg wenke sodat jy ook slim kan aantrek!
Broek
Jou beste broek het nie plooitjies voor nie, die pype moet uitklok en die sitvlak moenie te styf pas nie. Al is dit ’n broek met ’n meer gedefinieerde snit, mag dit nooit te styf aan jou maag of heupe kleef nie.
Hemp
Maak seker jou hemp gee jou lyf vorm deur die regte snit aan te trek. Kies veral iets met ’n empire-lyn onder jou borste. Jy moet nooit ’n klewerige hemp aantrek nie, want elke rolletjie en bultjie gaan beslis wys.
Baadjie
Kies ’n snyersbaadjie met ’n V-nek.
Skoene
Wighakke is perfek vir jou, want dit gee jou hoogte en laat jou enkels dunner lyk.
My ‘moenies’ - jy mag dit nooit dra nie
Stywe T-hemde
Oorgroot vierkantig gesnyde T-hemde
Die tradisionele denim-vliegbaadjie (bomber jacket)
Opgepofte windjekkers (windbreakers)
Slonsige sweetpakke
Verwante artikels
-
Rudi en Corlea oor Die Lieflinge se oornagsukses
SARIE - Oktober 2010
Die een dag is hulle onbekend, die volgende oggend beroemd. Is dit pure geluk?
-
Sangpaar breek op: Corlea praat
SARIE - Maart 2011 | Kommentaar: 90
Die land gons oor die sangpaar Ons Lieflinge wat nou uitmekaar is. Na weke van onderhandelinge met haar prokureur en advokaat het Corlea Botha besluit om haar uit die vennootskap met Rudi Claase te onttrek.
-
Stap-vir-stap: Kry Jo da Silva se voorblad-oë
SARIE Junie 2011
Jo da Silva se voorblad-oë op die Junie-uitgawe wys baie emosie, dis haar beste bate. Kry só haar voorbladvoorkoms-oë
Kommentaar
fashiondress het gesê:
There is no doubt that in the wedding the bride is the first heroine,is the happiest and the most beautiful woman . Want to be the focus of the wedding day in your white wedding dress ? You need to prepare for your perfect elegant wedding dress
7de Jun. 2011, 10:30Tunet Jordaan het gesê:
Ek was mal oor die voorblad. Howel, die kleur van die agtergrond my pla. Dit is (volgens my) te donker en dus smelt Corlea 'n bietjie in die agtergrond in.
3de Mei. 2011, 13:52Wendy het gesê:
Corlea Jy is pragtig!!! Wie jy is as mens en die feit dat jy staan as 'n vrou wys! Jou andersheid het jou juis laat uitstaan. Wees die volbloed vrou met die engelstem. Jy het baie van ons vroue wat nie die perfekte rokgrootenommer is nie, moed gegee om onsself te wees en ons drome na te jaag ongeag. Dankie vir jou inspirasie!!!!! Jy is instaat daar toe om al jou drome te bereik.
23ste Mar. 2011, 12:52Menant van Zyl het gesê:
Mooi so! Geluk Corlea, jy het duidelik die outjie met sy tantrums agtergelaat. Jy lyk soos die wenner wat jy is !!!
23ste Mar. 2011, 08:34Elise Durant het gesê:
Wow...Corlea lyk stunning...alles van die beste vir die toekoms...
22ste Mar. 2011, 07:43EstellievRetief het gesê:
Ek is so Bly Sarie het jou die Voorbladnooi gemaak. Beste ooit. Jys beeldskoon, met die stem van n nagtegal! Jy het agter die klere geskuil wat jy altyd gedra het. Dis nie nodig nie. Wees jouself! Estellie Retief
19de Mar. 2011, 10:24Isabel het gesê:
Corlea jy is pragtig. Ek kan onthou toe die hele storie ontplof het, het ek vir jou gese dat 'n change is as good as a holiday. Veels geluk. Jy hou jou kop hoog. Laat ons maar net weet wanneer jou eerste solo cd op die rakke is. Jy laat al die mense wat negatief teenoor jou was nou lekker skaam kry. jy het aan hulle bewys dat jy dit kan doen. Baie trots op jou. Daar is iets wat uit jou straal, en dit is geluk.
18de Mar. 2011, 12:57Marianne het gesê:
Ek stem 100% saam met Karin. Soos altyd - 'n PUIK Sarie voorblad. Corlia is STUNNING!!
17de Mar. 2011, 13:48elize lourens het gesê:
die nuwe jy is fantasties corlea,lyk straal van geluk.... hou so aan...ons familie is trots op jou...dankie sarie vir jul bydrae...sy sprankel behoorlik
17de Mar. 2011, 09:53Christelle van Staden het gesê:
Jy's 'n pragtige vrou - ja 'n ware sneeuwitjie!
16de Mar. 2011, 11:24Karin het gesê:
Hi Soos gewoonlik 'n baie mooi voorblad van Sarie. Ek is beindruk met die wyse waarop Corlea al die negatiewe publisiteit van die afgelope tyd hanteer. Sy gedra haar soos 'n dame - well done. Ek het ook die artikel in Sarie gelees - my komplimente, daar word nie goed weggesteek nie, maar net die waarheid met baie empatie. Ek is seker daarvan dat daar baie mense is vir wie haar verhaal iets gaan beteken.
16de Mar. 2011, 07:09Heila het gesê:
Corlea lyk absoluut stunning..... vet of maer, die vrou kan sing en sy is pragtig.
15de Mar. 2011, 12:58MARA THEUNISSEN het gesê:
STUNNING STUNNING STUNNING STUNNING!!!!!!!!- dankie vir al die tips ek het dieselfde afppel figuur probleem, dankie dat daar hoop is!
14de Mar. 2011, 18:05MARA THEUNISSEN het gesê:
STUNNING STUNNING STUNNING STUNNING!!!!!!!!- dankie vir al die tips ek het dieselfde afppel figuur probleem, dankie dat daar hoop is!
14de Mar. 2011, 18:04MIONNEKE het gesê:
BEELDSKOON!!! JY HET NIE NET 'n ENGEL-STEM NIE. JY IS OOK NET SO MOOI SOOS EEN!!!
14de Mar. 2011, 14:14trudie pretorius het gesê:
jy lyk pragtig so of jy ontluik het soos n roos.
12de Mar. 2011, 14:31Gerda Wahl het gesê:
Dié voorblad van pragtige Corlea, is 'n wenner! Die saffierblou rok en agtergrond gaan definitief die aandag trek in enige winkel.
11de Mar. 2011, 19:45Belinda van der Merwe het gesê:
Corlea jy lyk absoluut stunning stunning stunning!!! Jy is 'n pragtige vrou! Fanie, jy kan verseker toor en Phyllis - asemrowende fotos soos altyd! Puik gedaan SARIE!
11de Mar. 2011, 17:19Rika Fuchs het gesê:
Wow, dit lyk awesome... well done!!!
11de Mar. 2011, 16:17