FOTO Brook Cagle / Unsplash

FOTO Brook Cagle / Unsplash

Bruid

2017 se top 3-verloofringe

Gister was Valentynsdag en wêreldwyd het mense planne gemaak om die groot vraag te vra. Dis dalk nog vroeg in die jaar, maar daar’s reeds drie verloofringe wat lyk of hulle vanjaar gaan uitstaan bo die res.

Blue Nile, ’n verskaffer van diamante en juwele aanlyn, voorspel dié drie ringe gaan gewild wees.

1. Eenvoudig en klassiek

Hierdie ring is elegant en tydloos romanties – dit kon aan jou ouma behoort het. Dit bestaan uit ’n solitêrsteen met geen ander diamante wat dit omring nie.

2. Kante met details

Die diamante omring nie die sentrale steen nie, maar word subtiel aan die kante daarvan geplaas.

3. Klassiek met ’n kinkel

Dit lyk baie soos die klassieke ontwerp, maar die band rondom die sentrale diamant is subtiel gedraai.

Bron: Glamour

Verlede jaar se gewildste verloofring op Pinterest kan beslis nie as eenvoudig beskryf word nie. Dié ring van Raymond Lee Jewelers in Florida, Amerika, is al meer as 63 000 keer na Pinterest-inspirasieborde gestuur.

verloofring

Die ring se spesifikasies? 18-karaat-witgoud in ’n fyn kantpatroon met ’n hoofdiamant en kleiner diamante wat om dit geset is: altesaam 0,45 karaat.

En wat dit jou sal kos? $4 300 (om en by R60 000).

Nie almal wag dat iemand ’n verloofring aan hul vinger steek nie, en daar is selfs ’n naam vir hierdie trend: pinkiering-selfliefde. Hoe werk dit? ’n Vrou koop vir haarself ’n pragtige ring en dra dit aan haar pinkie as ’n simbool van selfliefde. Die aktrise Lucy Hale het ook al vir haar ’n pinkiering aangeskaf.

Lees nou

Rolanda Marais spog met pragtige Charlotte

Dís hoe jy moet stort om wakker te word!

Emma Stone en Andrew Garfield herenig