Eie stories

Japan-tragedie: ’n Ooggetuie vertel uit Tokio

TOKIO, JAPAN

12 Maart 2011, 4 nm.

“My liewe vriende

Eerstens wil ek vir elkeen van julle dankie sê vir jul e-posse en mooi wense oor die ramp wat ons hier in Japan getref het.

Ek was geraak deur jul woorde wat van reg oor die wêreld ingestroom het. Elkeen se omgee beteken regtig baie vir my. Dit is die grootste aardbewing wat al in Japan aangeteken is, en het 9 op die Richterskaal gemeet.

Ek sien tans om na 350 van my personeel en hul families hier in Tokio.

Dit was ongelooflik en terselfdertyd vreesaanjaend om deur die glasvensters van ons kantoor te sien hoe al die hoë geboue rondom ons s’n rond vir ’n paar minute swaai. Dit was die ergste aardbewing wat ek nog beleef het, en ons het onder die tafels weggekruip met harde hoede op ons koppe.

Die naskokke het nog so ’n uur ná die skudding aangehou, en alhoewel dit nie ’n gemaklike tyd was om op die 15de vloer te wees nie, was dit beter as om buite rond te loop; dit sou buite gevaarliker wees omdat baie geboue inmekaar getuimel het ná die aardbewing. Gelukkig het die aardbewing nie die glasafskortings in ons kantoor gebreek nie – net een venster het gekraak.

Ons was baie gelukkig dat ons kommunikasie of krag nie afgesny is nie – ons kon steeds ons landlyne gebruik om geliefdes te probeer bel en e-posse stuur.

Van die personeel kon 16:00 huis toe gaan om hul families te gaan ontmoet, maar so 70 wat groter afstande moet aflê om by die huis te kom, het in die kantoor oornag. Hulle is omtrent 10:00 die volgende oggend (Saterdag) toe die treine weer begin ry het na hul huise toe.

Tokio is spoedig besig om terug in sy roetine te kom en ek glo alles sal gou weer terugkeer na normaal. Almal is baie hartseer oor die noordelike stede wat vernietig is deur die aardbewing en opvolgende tsoenami’s. Ons sidder om te weet hoe hoog die sterftesyfer sal wees.

Ons kon gelukkig bevestig dat al ons werknemers en hul families veilig is en dat ons kantore nie beskadig is nie, so ek verwag ’n normale week wat voorlê. Ek glo ek sal vanaand rustig slaap, behalwe vir die naskokke.  

Weer eens dankie vir almal se mooi wense en ondersteuning! Ek sien uit daarna om gou weer te gesels!”

Groete,

Masato


Japan tsoenami Japan tsoenami
  • My seun woon ook die afgelope 7 jaar in Tokyo. Gelukkig het hy sms gestuur om te laat weet "ek is ok" Kon nie sy boodskap verstaan tot ek die televisie aangeskakel het nie. Hy het Vrydagaand 5 ure en 12 km ver gestap om by vriende te oornag oor hy nie kon huis toe gaan nie, en kon my later die middag bel om te verseker hy is nie beseer nie en sy vrou is veilig by haar ouers in Okayama. Ek dank God dat hy hulle beskerm het en steeds met hulle is en ons kalmte gee – en bid dat Hy met almal sal wees wat nie so gelukkig was nie.

  • Zet

    Ek ken niemand in Japan nie, maar het vasgenael voor die Televisie skerm gesit en kyk na al die skade! Soos iemand tereg gese het, wat jy van die see vat, vat hy terug! My hart gaan uit na daardie mense en ek wens ek kon iets vir hulle beteken. Alles wat hulle vir jare bymekaar gemaak het is in een oomblik van hulle weggeneem, hoe kom jy weer voor? Daarom het ek vandag ‘n sms teen R5 kon stuur om my deel by te dra. As almal van ons net een sms stuur, kan dit ‘n groot verskil maak! SMS JAPAN na 36585.
    Mag die Vader gee dat ons in Suid Afrika nooit ooit so iets hoef te beleef nie!!

  • zexkhm

    68Jpd0 ckscpwfkvzoh, [url=http://kwstwnnfyfzk.com/]kwstwnnfyfzk[/url], [link=http://hssvoywmuezr.com/]hssvoywmuezr[/link], http://riaunxccdwdy.com/

  • Fanie Hennig

    Vreeslik is dit om te val in die hande van die lewende God! Sorg dat jou hart by God is! Ná die dood is dit die oordeel van God. ‘n Ewige hel vir die sondaars!

  • Fanie Hennig

    Vreeslik is dit om te val in die hande van die lewende God! Sorg dat jou hart by God is! Ná die dood is dit die oordeel van God. ‘n Ewige hel vir die sondaars!