dsc04927
SARIE-blogs

Aletté Winckler: “Vir oulaas op 39 weke”

Maar ek moet eers hierdie werklikheid in die gesig staar dat binne die volgende 7 dae daar ‘n nuwe gesinslid by die Wincklers gaan aansluit wat beteken ons sal moet deurDRUK. Maar vir nou lyk dit my dat hierdie kleinste (groot 4.something something) knapie nog te lekker hier binne sy mamma broei…

Toe ek op RAU koor gesing het, het ons in my finale jaar na Europa getoer om aan ‘n kompetisie in Praag deel te neem. My (toé reeds) baie wyse pa het my die volgende raad gegee: Elke oggend wanneer die hotel waar ons sou tuis gaan hulle buffet uitsit moet ek my trommeldik eet en dan nog ‘n paar ekstra broodjies en kasies in ‘n servet toedraai en bêre vir middagete. (Mens kan sien wie het in die maer jare grootgeword.) Ontbyt was gratis maar met middagetes moes ons (eintlik) self plan maak. As ‘n arme student was dit raad wat ek natuurlik gevolg het. Ek moet immers gehoorsaam wees aan my ouers, en my pa is óók immers ‘n Pastoor en daarom nóg meer rede om te luister na dié man van God!

Almal in die koor het hulle vir my ten tye van die (baie gratis) ontbyt geskaam, maar kom middagete wou almal te lekker saamsmul aan my (ekstra) broodjies en kasies… (Ongelukkig vir hulle was dit nie broodjies en vissies nie anders sou die Here dit dalk vermeerder het!)

Nou wat is die punt wat ek wil maak?

Simeon is sy ma se kind. Terwyl die kossies hier binne gratis en verniet is en hy nie daarvoor hoef te werk nie, gaan hy hierdie situasie letterlik uitbuit en so lank as moontlik binne bly. Hy is ook al van vroeg af gehoorsaam aan sy oupa, wat ‘n baie aantreklike eienskap is.

Maar met pappa wat elke nou en dan in en uit die stad is met ‘n vertoning wens ek ek kon vir klein Simeon Tony Orlando se morse kode leer:

“Knock three times on the ceiling if you want me
mmmm twice on the pipe if the answer is no
oh my sweetness
means you’ll meet me in the hallway
oh twice on the pipe means you ain’t gonna show”

Ek sal dit dalk bietjie aanpas:

“Kick three times on my stomach if you’re coming
Mmmm twice in my side, if the answer is no
Oh my baby, kick kick kick means you’ll meet me in the birth canal…(aka hallway)
Twice in my lung means you ain’t gonna show”

Maar terwyl hierdie mamma die tyd het skryf sy maar eerder liedjies vir pappa se nuwe album want ek weet as hierdie mannetjie eers hier is dat ek 24/7/365 besig gaan wees met die manne in my lewe…

Groete,

Alétte

  • Rienie Brown

    Heinz,
    Ek wens jul voorspoed toe met Simeon!,

    ~Tel jul seeninge deur vrede en aangename gevoelens met mekaar te vermenigvuldig~

    ~As ons toelaat dat God in ons werk, sal ons soos juwele in Sy Koningkryk skitter~

    ~R Brown~

  • Bianca Ferreira

    Baie geluk jy hoop hy kom gou maar hy kuier nog lekker daar in di warmte van mamma hy seker bang vir die koue!!! Ag ek hoop hy kom gouer as wat jul verwag sterkte daar en hou asb op hoogte!!

  • Stella

    Ag pragtig. Jy lyk so mooi, soos altyd. Sterkte met die laaste dae!

  • Marianna Delport

    Sterkte, ek glo en vertrou dat alles goed sal verloop. My gebede vir julle is dat ons Hemelse Vader Sy hand sal hou oor die bevalling en die mediese personeel se hande sal seën dat alles in plek sal val.
    As die slapies min is prys die naam van die Aller Hoogste en dank Hom vir die geskenk wat Hy vir julle gegee het ("

  • lettie

    Ag dit is baie oulik gestel Alette, geniet jou laaste paar dae voor Simeon sy opwagting maak en die hele huishouding kom verander. Dit gaan omtrent pyjamadril wees in die winter. Baie sterkte vir jou Heinz en klein Lian. Die Here seen julle.

  • Lee-Ann

    Baie Sterkte met die koms van julle seuntjie.
    Sjoe ek was op 38 weke baie groter as daai maar ek het n dogtertjie verwag, julle kis n pragtige familie.