bella_2
SARIE-blogs

Isabella se blog: Nóg ‘n verjaarsdag storie

Hi, ek’s alweer hier. Vreemd hoe die jaar vanaf so middel-Augustus altyd nuwe momentum kry… Vier en ‘n half maande en dis Kersfees! So, als wat deur die afgelope agt maande gedrentel en gesleep het moet nóú gedoen word. Verloor gewig nóú. Maagspiere moet nóú ge-tone word. Al daai opgegaarde papiere moet nóú uitgesorteer word.

Somertuin, ai, ek kan nie eers nóú sê nie. Met Mobe en Savvi, die een ‘n gatgrawer van formaat en die ander ‘n genie met begrawe! Nie alleen het ek al my Bessie-foonjie (Blackberry) onder die kluite uitgegarwe nie, maar my bril, die helfte van ‘n kombers en die tuinvurk. Als word weggebêre vir ‘n ander dag. Vir ‘n nuwe geskenk wat jy kry as jy onner die turksvye grawe. Daar is net dongas en leë potte en halfgevrete plante. En twee paar onskuldige oë en regop oortjies wat nie verstaan wat pla haar tog nóú weer nie. Ons het nie eers haar pietersiele vir haar gesnoei nie!

Ek hou van die tyd van die jaar, die onderliggende histerie. Ek is gek daaroor! Dit voel sommer of jy op al ses silinders fire!

Ek’t nou al só baie gepraat oor die birthday partiekie, maar die laaste mooi staaltjie! So het goeie vriend, Christo, die jongmans se vis so baie geniet dat hy toe sommer die woord versprei. Ons kry ‘n oproep, ons moet kom visbraai op Stellenbosch. Daar gaan ons.toe. ‘n Trollie met skewe kleinbordjies, gespotte servette en ou silwer vurke. Flapjacks, pampoenkoekies, mossels, oesters, deeg vir vetkoeke, korrelkonfyt en vissies agterin gepak.

Dit is Johan se verjaarsdag en 40 van sy pelle kom kuier.

Ek en wonnerlike vriendin Linda Alberts van Melkbos, my partner in crime, ry met die volgepakte trollie wat oor elke hobbeltjie skud en sidder Stellenbosch toe. Hmm, net daar waar die Hopefield- en Malmesbury-paaie kruis is padwerke, en die dame wat die verkeer moet reguleer los haar ‘radio’ en hardloop eers oor die pad om ‘n lekker sak vrugte te gaan kry. En ons wag en wag en wag! En Stellenbosch is nog ‘n entjie!

Uiteindelik is ons daar en die twee braaiers, elk met ‘n sak hout en niks anders is so slightly ongeduldig. Nou hóé lank ry ‘n mens van Langebaan af?! Ek jaag eers gou Lourensford toe om die ongelooflikste gerookte forel by Gerhard Campion te kry en Linda begin solank smeer en inryg. Ag, dit was lekker. Een bord na die ander dra ons uit. Daar is hope rooi tamaties en enorme aarbeie en bosse pietersielie (uit my eie tuin). Daar’s oesters en Bloody Mary’s, mossels gestoom in vonkelwyn en gemmer, aartappels met crème fraiche en gekarameliseerde rooi uie. En nog en nog!

Die braaiers maak weer foelie huisies vir hulle vissies. Die keer met tamatie en uie en groenpepers. Ag, hulle so cute! Hulle speel sommer waiter ook. En, wow, vir eenkeer vra niemand hulle uit oor hulle haredosse nie…

Dit was ‘n wonnerlike middag daar in die Eikestad.

En ‘n wonnerlike voorreg om al die mallighede en lekkertes saam Taro te doen. Net so ongeduldig soos ons met mekaar raak net so baie lag ons en werk ons tog sooo lekker saam…. Skielik is dit daai tyd van die jaar wat blou-oogkind sy bakkie pak en die lang pad Luderitz toe vat. Vir ‘n maand lank probeer hy en ‘n handjie vol mans en ‘n vroue van regoor die wêreld die spoedrekord vir die vinnigste man/vrou op water verbeter. Kyk, waar die res van ons bid dat die wind tog net bietjie moet gaan lê…No ways, vir hulle moet die wind tog net stormsterk pomp. Dis dan wanneer die kites opgepomp word en as die harnas eers om die lyf vasgegespe is kom daar ‘n hele nuwe energie in daai lywe. ‘n Vryheid, want die oseaan is hulle oester!!!

Jy kan vir ure na die skouspel  kyk. Hulle dans oor die water. Dis twirley wirleys in die lug, gat oor kop bollemakisies, vorentoe, agtertoe. En as hy uit die water kom is daai blou oë soos yskristalle. Die lyf is moeg, maar die siel is gevoed.

Tot einde Oktober is dit elke aand Skype Lüderitz toe en twee keer ‘n dag die webblaaie dophou vir resultate en stories. Dis so ‘n wonnerlike ongekompliseerde jongmens-lewe waar jy skouers skuur met wêreldlinge. Ek hou duimvas vir Luderitz 2010!!

Nou ja, somer is amptelik hier, maar nie-amptelik is dit nog vrek koud! Ek is moeg vir kouse, boots en truie. Dis visplakkie-tyd, met dun goedjies en bleddie koud kry. Maar rokkies wil sy dra!

  • Natalie Roos

    Bella
    Hier in Noord Wes is dit al lekker warm.
    Hoop vir Taro dat die wind sterk waai.
    Geniet die Kaap ons sien hom gelukkig weer Desember.

  • Mynie Grove

    Hei Bellie – nog is dit het einde niet….kry slag rus,man:)Die tjoklit op jou kussing begin nou water trek en die blomme is al weggegooi….jy weet hierdie is jou offies byrie dorp-see….
    Ek droom oor die dag wat ek vir JOU kan wyntjie gooi….siende dat jy jou hele lewe spandeer om dit vir ander te doen……moenie opraak nie, gehoor jy my?:)

  • Gerard

    Jy skryf so lekker Bellakie. Ek het sommer alles gelees!

  • ingrid jones

    hi bella, lyk my jy het ‘n holte vir jou voet gevind met die blog. lekker

  • Ulanda

    Weereens sooooooooooo geniet! xxxxx

  • Christiana

    Hi! Bella!

    Miskien gaan dit nog ‘n week of drie wees voor jy jou streppies kan dra!!! Lente kom (vir my) eers amptelik in die Kaap aan op 1 Oktober. Maar dis ‘n droë winter.

    Jou visbraaie klink HEERLIK!!!

    Die winterlakens wat my met hul warm wolletjies so vasklou dat ek sangs nie kan draai nie, is so twee weke gelede "onvrywilliglik geskenk" aan "affirmative shopping" terwyl die pragtige geel lakens in die son aan die waslyne gehang het. Nie gedink dit gaan weer koud genoeg wees vir winterlakens nie. Gelukkig is daar Woolies se "comforters"! Mag die een wat daai geel lakens gesteel het, onrustig slaap.

  • Karin Theart

    Lekker gewees, Thanks Bella

  • http://www.whaleview.co.za Mariki

    Ons hou duimvas vir Taro. Die koudkry was die moeite werd, want jy het baie sexy gelyk in jou streppies-rok en visplakkies by ons Grande Roche ontbyt! ?

  • http://www.dietervoigt.co.za Dieter Voigt

    Hi Bella! Baie dankie vir die lekker uit die hart bloggie! Was heerlik om jou Saterdagaand te sien, hou aan met die goeie werk, jys ook n Aard Engel! Sterkte vir die Windkind. Taro, make it happen, jou drome se waarword datum is net agter die volgende Namib wind!

  • Roenell Rheeders

    Hi Bella,

    Sjoe dit wat nou lekker lees die. Geniet die effe-winter tog somer tyd want die erge ander baie baie warm dae is ook oppad..
    Dankie dat jy laat weet het oor jou blok. Ek sal gereeld inloer.
    Groete

  • Linda Alberts

    Hi Liewe Bella,nou kom ek eers by jou blog uit. Ek was Gauteng toe vir ‘n week. Ai en was dit nou lekker om weer jou stories te lees. Ek het elke oomblik weer beleef en wat ‘n fees was dit nie om saam met jou en die 2 "dreadlock" visbraaiers die Weskus na die Eikestad te vat nie. Dankie!
    Ek hou styf duimvas vir Luderitz!

  • http://nknhkkiqdiyv.com/ mxfrvcnzrzg

    9bXnf6 whzafacjtrer, [url=http://nuiuwjztbycp.com/]nuiuwjztbycp[/url], [link=http://yfxnicapawoc.com/]yfxnicapawoc[/link], http://vdrhvhheklts.com/

  • Monika

    Marc Alex sagt:Besten Dank f r Deine — merklich gen slsich angegangene — Buchbesprechung. Gut, dass Du vor allem Kritikf higes heraus gearbeitet hast. Mal eine Delikatesse aus dem von Marketingfischen berv lkerten Ozean. Daher w rden Deine als ›Besprechung‹ weichsp lend gekennzeichneten Buch-Artikel doch eher das Etikett ›Rezension‹ verdienen, denn die Strenge daf r bringst Du mit. Weiter so!Doch folgender, im Ansatz ja sehr sch ner Satz, unterbrach meinen Lesefluss aufgrund seines Inhalts und seiner Orthografie (zu letzterem mehr per Mail):1. Den ›Yuppie‹ doch wenigstens noch benennen, damit man Deine einzige Beispiel-Erw hnung halbwegs selbst einordnen, pr fen und werten kann.2. Und Deine Haltung diffusiert hier, vielleicht auch nur formulierungsbedingt. ›Besinnung‹ bei t sich mit Deiner im gleichen Atemzug ausgedr ckten Kritik an dem Yuppie. Entschlossene Kritik scheint mir hier angebrachter. Wie w r’s mit ›Gesch ftsidee‹ statt ›Besinnung‹?Ansonsten liest sich das streckenweise wie eine „Bewerbung“/Initiative f r die Konzeptionierung eines gelungeneren Buchs in dieser Richtung.