Funksies

Kuier saam by die Cederbergfees Vrouedag

Ons kuier saam met Laager Rooibos en Fair Cape by die jaarlikse Cederbergfees op Clanwilliam.

Die aktrise Sandra Prinsloo is die gasvrou en lesers kan uitsien na ’n heerlike ontbyt met Fair Cape se Free Range-suiwelprodukte, asook ’n rooibos-geïnspireerde middagete deur Jaco Slabber van die Olifantshuis-restaurant op Clanwilliam. Jy kan ook ’n glasie klink met Cederberg Wyne.

Hoogtepunte op die program sluit in ’n kabaretvertoning deur Niël Rademan en ’n kosdemonstrasie deur SARIE se Herman Lensing.

Niël RademanHerman Lensing

Elke gas word ook bederf met SARIE se Mei-uitgawe, ’n klein voorbeeld van die parfuum pureDKNY en ’n Estée Lauder-geskenkpak ter waarde van R1 000.

WAAR EN WANNEER

Datum: Vrydag 30 April 2010
Tyd: 08:15 vir 08:30
Plek: Augsburg Landbou-gimnasium, Clanwilliam

 

BESPREEK SÓ

Kaartjies: R230 per persoon slegs vir die Vroueoggend en R280 per persoon vir die Vroueoggend insluitend ’n kaartjie vir die 15:30-vertoning van Die Naaimasjien op 30 April.

Bespreek by Mariska van der Merwe voor 20 April by 027 482 2155.