FOTO: AZarubaika / Gallo Images / Getty Images

FOTO: AZarubaika / Gallo Images / Getty Images

Gesond

4 maniere om jou vel mooi te eet

Jou vel is een van jou grootste organe – en word grootliks beïnvloed deur hoe gesond jy eet. 

1) ‘Warm’ kos

Micky Hoyle

FOTO: Micky Hoyle

Lank nadat jy die sweet van jou bolip afgevee het, sal die gesondheidsvoordele van ’n bord skerp gegeurde kos met kerrie/borrie/ rissies jou ’n meer gesonde blos gee. Nie net sorg dit dat meer bloed na jou vel vervoer word nie, dit bevat ook belangrike voedingstowwe wat onder meer die veroudering van jou vel help vertraag.

2) Vitamien A

FOTO: Lee Malan

FOTO: Lee Malan

Vitamien A is noodsaaklik vir ’n gesonde, blosende vel. Room, volroommelk en -produkte, eiergeel, wortels, geelperskes en donkergroen en geel/oranje groentes sal in jou behoeftes voorsien.

3) Sterk soos Popeye

FOTO: Unsplash

FOTO: Unsplash

1 uit 5 vroue is anemies (ly aan bloedarmoede) weens ’n ystertekort. Daarsonder kan jou bloed nie genoeg suurstof vervoer nie en sal jy bra bleek wees. Die beste bronne is lewer, rooivleis, sardiens, oesters, mossels en eiers. Plantaardige bronne sluit in gedroogde appelkose, pruimedante, dadels, vye en neute.

4) ‘Gesonde’ vette

sr1006vis.snoek_patats

Eet jou sardiens. En salm, makriel en snoek. Dis bronne van omega 3-vette, waarsonder jou vel stram en vaal sal wees. Ons kry heeltemal te min daarvan in. Daar is tot 20 keer meer omega 6-vette (sonneblomolie, druiwepit- olie, verwerkte kosse, margarien) in ons dieet. Kies dus jou vette versigtig

Lees nou