FOTO Unsplash / Christopher Campbell

FOTO Unsplash / Christopher Campbell

Gesond

5 bonusse as jy gewig verloor!

Die somer is om die draai en die winkels is propvol swembroeke. Ja, dink jy, dis tyd om die ekstra kilos vir eens af te skud. Maar o wee, die motivering! Jy weet dis goed vir jou gesondheid om gewig af te skud. Jy gaan waarskynlik langer leef en minder dokter toe gaan. Maar hier’s nog ongewone plusse . . .

1) ’n Kleiner kopseer – Verloor gewig en jy raak dalk sommer ook ontslae van jou chroniese hoofpyn, beloof Amerikaanse navorsing.

2) Totsiens sooibrand – Jy hoef net 3 – 5 kg te verloor om van daardie brandgevoel in jou keel ontslae te raak. Want oortollige rolletjies en sooibrand loop hand aan hand, aldus webmd.com.

FOTO Unsplash Mackenzie Martin

FOTO Unsplash Mackenzie Martin

3) Jou bene sê dankie – Visserale vet (om jou maag) is ook sleg vir jou bene. Amerikaanse navorsing wys dit vergroot jou kans vir swak skeletbene en frakture. Gewigsverlies verminder boonop artritis-simptome.

4) Dis winsgewend – Vetsugtige mense verdien minder as hul maerder kollegas. Sowat 2,5% minder, het een Amerikaanse studie bevind. Jy gaan ook makliker werk kry as jy gewig verloor, volgens Britse navorsing.

5) Geheue soos ’n olifant – Inderdaad. Jou brein is blykbaar ná gewigsverlies meer aktief as dit nuwe inligting stoor. En roep dié inligting daarom met minder moeite weer op, is in Sweedse navorsing bevind.

FOTO: Unsplash

FOTO: Unsplash

Bron: Science Daily, Webmd

Lees nou

– Afrigter tel gewig op & verloor 31 kg saam met kliënt

– Byna 70% van SA vroue is oorgewig + 5 kosse wat jou kan maer maak