FOTO: Micky Hoyle

FOTO: Micky Hoyle

Dieet

Suiker die nuwe tabak?

Die meeste van ons ken dáái gevoel – daardie absolute drang wat jy nie kan keer nie. Daardie drang wat jou dryf om dadelik iets soets te eet, nee, te verorber. Maar nou weet ons: suiker is verslawend. En dít word telkens deur wetenskaplike studies bewys.

Kelly Brownell en sy kollega Mark Gold aan die Universiteit van Yale se sentrum van voedselbeleid en obesiteit skryf in hul boek Food and Addiction oor die verslawing aan suiker, meel en geprosesseerde kos. Hulle gee 5 vrae wat jy jouself kan vra om te oordeel of jy ’n kosverslawing het, of nie.

  1. Eet jy sekere kosse al is jy nie honger nie, net omdat jy ’n drang (craving) daarna het?
  2. Bekommer dit jou as jy dink jy moet sekere kosse uitsny?
  3. Voel jy moeg omdat jy ooreet?
  4. Hou jy aan eet al het jy gesondheids- en sosiale probleme weens kos of oorgewig?
  5. Moet jy al hoe meer eet van die kos wat jy crave om dieselfde genot te ervaar?

Dieetkundige Mariza van Zyl van BetterEat het ook al vir SARIE.com geblog oor suiker-verslawing.

Sy beveel aan dat jy ander voedingstowwe inneem om jou drange te kelder en wat jou daardie goedvoel-gevoel verskaf. “Sonder die regte voedingstowwe is jou brein soos ’n sif. Jy sal bly bo ingooi – suiker, lekker kos, koek, pastei – en jy sal maar heeltyd leeg bly…”

Lees Mariza se blog vir raad om jou verslawing te oorkom HIER. Sy deel ook ’n resep vir broccoli-sop wat baie van die regte voedingstowwe verskaf.

Mariza sê jy kán jou kosverslawing oorkom. Jy moet net vir jou brein leer dat as hy skree vir koek, hy moontlik ook soek na kos – vis, vleis, kaas, vrugte, groente en neute.

Mariza se 3 stappe om jou kosverslawing hok te slaan

  1. Omega 3-vetsure vanaf voedselbronne voorsien ’n unieke kombinasie van vette wat nodig is om belangrike chemiese stowwe in die brein,  soos dopamien en serotonien, te reguleer. Suiker-verslaafdes het dikwels lae vlakke van dopamien, daarom voel hulle soveel beter ná sjokolade. Dit verhoog die dopamienvlakke in die brein. Gereelde, genoegsame inname van omega 3 –  veral vanaf okkerneute, gekombineer met die regte soorte vette in jou dieet, kan dus hierdie wanbalans help herstel en dit vir jou makliker maak om 2 blokkies sjokolade – nie 2 hele blokke (slabs) op ’n slag nie – te eet.
  2. Kwersetien is ’n fito-nutriënt wat in baie vrugte en groente voorkom. Saam met omega 3 speel dit ’n belangrike rol in die mens se neurochemiese gesondheid deurdat dit die selletjies wat die dopamien moet vervaardig, beskerm teen skade. Voedsel wat heelwat kwersetien bevat sluit in appels, broccoli, tamaties en druiwe.
  3. Kry nóg wenke HIER.

Lees meer oor voedselverslawing

Dieetkundige Mariza se blog BetterEat. Volg haar ook op Facebook vir daaglikse wenke.

Of lees dié boeke – beskikbaar op kalahari.com

Food and Addiction | Food Addiction: The Body Knows

Conquer your Food Addiction | Food Addiction No More

Addisionele bron: Huffington Post