fibromialgie_illustrasiefoto.crop
Gesondheidstories

Fibromialgie: Die pynlike waarheid – deel 1

“Ek lewe in ’n borrel. My dogtertjie se graad 4-huiswerk is vir my te moeilik. My hande voel asof hulle wil afskeur van die pyn. Ek is vol bloukolle en skrape soos ek val en in mure, deure en meubels vasloop. Ek verdwaal in ons klein dorpie en vergeet waar ek my motor geparkeer het. Ek is so moeg. Só moeg.”

Annie Bartie (48) van Somerset-Wes was in 1995/1996 ’n finalis in SARIE se Sakevrou van die Jaar-wedstryd. Sy was ’n adrenalienverslaafde en haar werk was haar kos. Totdat die onverklaarbare simptome twee en ’n half jaar gelede begin het – dokters kon dit maar net nie vasvat nie.

Ná talle doktersbesoeke en toetse het dit wel ’n naam gekry: Fibromialgiesindroom (FMS). Daar is baie mense met soortgelyke simptome, sê kenners. Nie altyd in dieselfde graad nie – Annie se simptome is ekstreem.

FMS kom egter by 3% tot 5% van mense voor, meestal vroue. Jou lyf pyn oraloor. Jou spiere voel of dit oorwerk of verrek is. Dis gevoelig as daar aan spesifieke teer punte op jou lyf geraak word: rondom jou nek, skouers, rug, elmboë en knie- en heup-gewrigte (die illustrasie dui dit aan). Jy is dodelik moeg, selfs wanneer jy soggens opstaan. Jy slaap sleg. Dalk is jy ook depressief. En jou kop: Dit voel of daar ’n pingpong-balletjie in jou brein los is terwyl jy stoei om die regte woorde raak te vat. Jy het probleme met jou geheue en konsentrasie. Dit het ’n naam: FMS-mis (fog).

Dis alles vae simptome wat jy nie regtig kan verduidelik nie. Die toestand word boonop gereeld misverstaan en verkeerd gediagnoseer, hoewel algemene praktisyns deesdae meer bedag daarop is. In Amerika is dit ’n nuwe gonswoord nadat die Food and Drug Administration (FDA) drie middels spesifiek daarvoor goedgekeur het. Twee van hulle is in Suid-Afrika beskikbaar, maar is nog nie by die Medisyne Beheerraad spesifiek vir behandeling van FMS geregistreer nie. FMS is die mees algemene artritis-verwante siekte naas osteoartritis. Die naam is ’n samestelling van Griekse en Latynse woorde vir vesel, spier en pyn. Dit ry dikwels op die rug van toestande soos osteoen rumatoïede artritis, lupus, Crohn-siekte en ander outo-immuunsiektes. Dit kan selfs ’n vroeë voorspeller van ’n outoimmuunsiekte wees, volgens die joernaal van die Israelse mediese vereniging. (Lees meer)

Nog simptome

* Maagpyn

* Angs en depressie

* Chroniese hoofpyn

* Hipersensitiwiteit vir koue/hitte

* Inkontinensie

* Spastiese kolon

* Pynlike menstruele krampe

 

DIE OORSAKE

Navorsing met nuwegenerasiebreinskanderings wys FMS-lyers verwerk pyn anders as ander mense en is meer sensitief daarvoor, sê prof. Helgard Meyer van die departement huisartskunde by die fakulteit gesondheidswetenskappe aan die Universiteit van Pretoria. Vroue is tien keer meer geneig om daaraan te ly as mans.

Volgens www.webmd.com wys studies vroue het sowat sewe keer minder serotonien,’n breinoordragstof, as mans. Lae vlakke daarvan kan dalk jou pyndrumpel verlaag. Nog teorieë oor oorsake:

  • Hormonale wanbalanse soos tydens die menopous
  • Trauma aan jou sentrale senuweestelsel, soos ná ’n ongeluk, besering, siekte of emosionele stres.
  • Moontlik oorerflikheid

Daar is egter maar skrale bewyse vir dié teorieë. FMS is waarskynlik ’n kombinasie van fisieke oorsake en emosionele faktore wat tot die ontwikkeling daarvan bydra, volgens www.fibromyalgiasymptoms.org.

Die volgende faktore vererger simptome,volgens ’n aanlyn-studie waaraan 2 596 fibromialgielyers deelgeneem het: Emosionele probleme (83%), weerveranderinge (80%), slaapprobleme (79%), inspannende aktiwiteite (70%), stres (68%), kommer (60%), reis per motor (57%), familiekonflik (52%), fisieke beserings (50%) en fisieke onaktiwiteit (50%). Ander faktore sluit in infeksies, allergieë, gebrek aan emosionele ondersteuning, perfeksionisme, neweeffekte van medikasie en blootstelling aan chemikalieë. (nog inligting oor die studie)

DIE DIAGNOSE

Daar is nie spesifieke laboratorium-toetse nie. Jou dokter sal jou ondersoek, jou mediese geskiedenis nagaan en na jou simptome luister. X-strale en bloedtoetse word gebruik om ander toestande met soortgelyke simptome uit te skakel.

Lees Deel 2: Alles oor die behandeling, die verband met stres en meer.

  • http://cfrkbuahxdaz.com/ wwtqgafc

    VC9WVd phvqgjexczvw, [url=http://wundktuvluno.com/]wundktuvluno[/url], [link=http://wmzestobupvj.com/]wmzestobupvj[/link], http://cckvycfaehbx.com/

  • Birtha de Witt

    Nadat ek n paar jaar gelede n artikel oor Fibromialgie gelees het, het ek besef wat my makeer. Ek is toe dokter toe en dit is bevestig. FIBROMIALGIE.Ek het altyd hierdie onverklaarbare pyn in my spiere en gewrigte ,moegheid, kragteloos en loop baie swaar.. Ag ek kan nie alles eerns opnoem hoe ek voel nie. Soggens le ek in die bed en dink wat ek alles op hierdie dag gaan vermag. Maar helaas wanner ek eers op is is dit so goed soos n koek wat platval. Ek het nie die krag daarvoor nie. Is behandel vir depresie met medikasie wat my absoluut van my lewe beroof het. Het elektroniese breinskokke gehad. So maklik vir dokters om te se dit is in jou verbeelding.Is beroof van die vooruitsig om n goeie beroep te beoefen. Wens ek kon net een pynlose dag ervaar. op 59jaar is ek oud en seer. Omdat ek altyd pyn het het ek al baie van my vriende verloor. Mense raak baie gou moeg vir iemand wat nie normaal fuksioneer nie.

  • Maristha Schellink

    Baie dankie vir die artikel oor Fibromyalgia, ek het al vir 4 jaar die simptome, maar my GP is nie oortuig nie, hy het gese dit is maar in my kop. So ek het op die internet gesoek en gelees. Die pyn is vir my die swaarste kruis – ek kan nie lank stil sit nie voor die pyn te erg raak.
    In my geval is Fibromyalgia getrigger deur aanhoudende stress en aanhoudende slaapversteurings (ek raak aan die slaap maar word kort-kort wakker). Dit is n eensame ervaring – hoe kan mense verstaan as jy grumpy en ge-irriteer voel omdat jy 24 uur van die dag in pyn is? n Mens leer maar met tyd wat die beperkinge is van jou liggaam en pas daarby aan. Ek probeer om die simptome hok te slaam met n holistiese benadering en natuurlike middels i.p.v. anti-depressante (ek het dit probeer maar opgehou a.g.v. die newe-effekte) of pyn medikasie.

    Hierdie tips werk vir my. Mede lyers kan dit gerus probeer:
    Mens moet probeer om nie net genoeg slaap nie, maar n diep slaap is nodig. Probeer Thetamax – dit is sover die enigste slaapmiddel wat my help om diep te slaap sonder om my soos n zombie te laat voel. Dit is n kruiemiddel wat ontwikkel is vir meditasie.
    n Magnesium + Kalsium aanvulling, bv CalMag help regtig baie vir spierpyn en IBS krampe.
    Fisio of massering kan dalk te seer wees, vir my werk acupuncture beter.
    Leer n meditasie tegniek en oefen daagliks. Manage your stress triggers.
    Hydro-terapie of swem is excellent terapie/sport sonder om n mens se spiere te ooreis.

    Sterkte en moed hou!

  • Maristha Schellink

    Het onlangs n ineteressante brokkie op die Net raakgeloop wat n lig laat opgaan het – n mening dat fibromyalgia eintlik n tipe arthitis is – rumatiek van die spiere en sagte weefsels. Ek het nog opgelees en n paar alternative medisyne probeer. Ek het regte verligting gevind in olive leaf extract and cat`s claw. Spierpyne baie minder, spysvertering is normaal, ek voel of ek weer krag het en lus vir die lewe! Probeer self, jy kan dalk net jou lewe terug wen!

  • Cathy Scholtz

    Jaar in en jaar uit, pyn en nogmaals pyn. Het net nooit n naam gehad vir my pyne. Dr het gesê dit is fibrositis, meestal aan die regter kant van my rug en nek, wat later oorgaan in migraine. Ek het elke dag van my lewe pyn! Ek het baie trauma beleef, en het definitief gevind dat pyne baie erger is na erge gebeurtenisse. Na my dogter oorlede is het die pyne nog erger geword. Ek het al baie medikasie gebruik,fisio, drs ens ens. Hier waar ek sit voel dit of ek van my nek tot by my voete in een groot knoop is. Soggens wanneer ek uit die bed klim is dit bitter seer, veral my lae rug en bene. Slaap sleg, en is deur die dag baie moeg. Dit is so moeilik om elke dag positief te bly en soms verstaan jou huismense nie, en dink miskien jy kla te veel, maar ai, dit is erg. Wens daar is n wonderkuur!!!

  • pnkikyi

    10O2mw ffzswhonlbfc, [url=http://vbukhdvqkpyk.com/]vbukhdvqkpyk[/url], [link=http://ihsikuhmxotc.com/]ihsikuhmxotc[/link], http://ugyeqaocxkhl.com/

  • Jorislie Dunn

    Ek het onlangs na `n menigte doktersbesoeke(almal met dieselfde uitkoms) self ondersoek ingestel. My ma het genoem dat ek dieselfde simptome het as sy wat artritis het.. Nadat ek heelwat opgelees en gesoek het, het ek tot die gevolg gekom dat ek al die simptome van Fibromalgia het. Ek staan elke oggend op met pyn iewers(meestal in vanaf my lae rug ondertoe). Deur die hele dag is daar pyn en ek slaap vreeslik sleg snags en staan moeg en moeilik op. Ek was al vele kere by die dr en dan skryf hulle dit toe aan depressie en ook die feit dat ek `n nuwe mamma is en seker maar net oormoeg is. So antidepresante word voorgeskryf. Volgens wat ek gelees het is dit dan ook een van die goed wat hulle vir mense gee wat aan Fibromalgia ly. Die vreemdste is. ONs het onlangs bloed toetse gedoen en nerens wys dit positief dat ek dit het nie, maar ek het al die simptome. Ek het bietjie met iemand anders gesels en die het dieselfde storie om te vertel. Sy dr maar haarself reg deur haar leefwyse en ook deur nie te veel te stres nie. Ek was onlangs in `n motor ongeluk en het van daar af ook `n permanente knop in my skouer en `n spier vandaar af tot in my nek bo wat stok styf staan heeldag en nag en verskrilike hoofpyne. As iemand bietjie raad het sal ek dit baie waardeer. Ek is nog jonk en wil graag die lewe saam met my man en 1jarige seuntjie kan geniet.

  • Melinda

    Ek lees hierbo en weet presies hoe hierdie mensies voel. Was by oogspesialis en vanoggend by oogkundige vir oog toets. Hierdie toestand is ook blykbaar die oorsaak van dowwe visie met tye. Was ook op ‘n tipe antideprisant wat help met die toestand, maar die medies weier om daarvoor te betaal en dit is baie duur en die newe effekte ook te veel. Gelukkig het ek ‘n wonderlike man, huisdokter. Gaan gereeld na ‘n biokkinetikus (vir die spasmas). Ja sal daarvan hou om net een dag sonder pyn te wees.
    Die belangrikste is dat my Meester luister en Sy skouer daar is wanneer ek huil en moeg is en Hy help my op en dra my deur elke dag.

  • Anoniem

    Wat vir my gehelp het is 1,000mg salm olie kapsules 3 keer ‘n dag en ook kalsium tablette en MagSR (magnesium slow release) en ook 2 knoffel kapsules in die oggend en 2 in die aand. en vir die moegheid help Ciplaton by apteke te kry. Indien jy hoë bloeddruk het moet jy nie die kapsules gebruik nie, maar die bruispil. Vra vir jou apteker. Ek hoop dit sal vir jou ook verligting bring.

  • Chrissie du Toit

    Ek het borskanker gehad ek kan nie iets neem vir hormone nie , estrogeen middels nie, ek het osteoporse
    My lyf is seer soos die foto wys, ek sukkel om op te staan, elmboe, nek, skouers en partykeer my enkels, ek neem op die oomblik Osteobon-70,een keer per week dit is baie duur en die medies betaal glad nie vir dit nie, ek neem calcium tabelete een per dag m aar oeg die pyne. Partykeer as ek eers op is gaan dit beter, gaan sit net ,en staan op ag tog die pyne ek 61 jaar.Ek rook of drink nie ek het al alles probeer. As daar iemand is wat kan help my e-mail is jfdutoit@lantic.net ek het al talle medisyne gedrink dit help vir daardie oomblik as dit uit gewerk het is alles terug. Ons arme vrouens!!

  • Susan van der Nest

    Ek het n FB blad opgerig vir mense met FM en CFS om met mekaar te kan gesels, vir werdersydse ondersteuning en ook om FIbromyalgie FM en Kroniese Vermoeidheid CFS Awareness/bewustheid te bevorder. Iedereen is welkom om dit te soek op Facebook, Die naam van die groep is …
    Fibromyalgia afrikaans/english
    Hoop julle vind die blad.
    Sterkte en groete.
    Susan van der Nest.

  • Anna Smith

    I was diagnosed with FIBROMYALGIA 8years ago and I am taking chronic medication (pharmaceutical drugs) for relief from the symptoms associated with severe FMS.
    a Few weeks ago I came across this life changing supplement Omega Herbal 48 on 9th of April 2012…I decided to purchase this product after just reading testimonials and following my "gut feeling". . . I started feeling better after the 1st day of using Omega Herbal 48. After using this life changing product for only 7 days, I was not convinced BUT CONVERTED! THIS IS MY 2nd WEEK on OmegaHerbal48….AND I FEEL BETTER THAN EVER! NO MORE Neuralgic pain, NO MORE Chronic Back Pain, NO MORE Infections, NO MORE Headaches, NO MORE Joint pains, NO MORE Muscle spasms, NO MORE Severe Fatigue !!!! I am in AWE of OmegaHerbal48 and I thank the Lord for this formula! ! I will keep you updated on my progress. Can not wait for the day I can finally quit using the pharmaceutical drugs, and I have a wonderful feeling that it will be sooner than later. This revolutionary Nutritional Supplement for the whole body FIGHTS DISEASE NATURALLY. . . .The answer to my prayers I believe…Revelation 22:2 " And the leaves of the trees are for the healing of the nations."

    The above testimonial is availabe on the blog at http://www.omegaproducts.info
    Later, I posted another comment on the blog:
    Anna Smith on Friday, May 11, 2012 3:53 PM
    Thank you for posting my testimonial just as I wrote it. My health have improved even more after I wrote the e-mail as above. This is now the end of my 3rd week using Omega Herbal 48 and I am even more in awe of this product. For the past year extreme fatigue was my main symptom. I had no energy, wanting to sleep most of the time and neglecting my household and myself. If you read about FMS you will understand better… The past week I started walking…power walking on our treadmill. Yeah…at first I took it really slow for 5 minutes and a few hundred meters…The past 3 days I’ve managed to powerwalk 2km’s every morning, afternoon and evening. A total of 6km per day. Now isn’t this just awesome ?! I feel like a new person. I love Omega Herbal 48 so much that I became an agent for this product, selling to the public in my area, but due to promoting this awesome "juice" on facebook in a group I’ve created, I now sell all over South Africa. My wish is that every "sick" person, at least TRY Omega Herbal 48…because I am sure it will cure every illness in medical history !! Kind Regards Anna

    Today, 29/07/2012 I’m hardly aware of having HAD fibromyalgia. I still take my medication because I am too scared just to stop using it BUT I’ve noticed that my body is FINE with smaller dosages..and that my medication works better…Just my opinion and experience. I am also using the Omega Pain Relief for external use, and is happy to say that I don’t have extreme muscle pain and spasm as in the past. I am in awe of this products and will continue to use it because I have a new lease on LIVING normal and painfree!

  • elize Meyer

    my moeder beleef die pyne in die nagtelike ure kry koors ek wil net weet of `n mens kan behandeling daarvoor kry of kan u vir my na `n dokter verwys dit is al `n geryme tyd wat die spierpyne oral oor die ly aan die gang is

  • dup du plooy

    ja dis nie net die vroulike geslag wat deurloop nie. ek het al n hele paar kilogram verloor maar die pyne in die skouers ;bene en rug bly getrou. daar is bitter min dinge wat help. as n mens darem kan slaap is dit n bonus. n mens leer om met pyn saam te leef. die lewe gaan aan. kom ons manne wat dit het bly positief en laat ons maar ook ons rate met mekaar deel . baie sterkte!

  • Rachelle Steenkamp

    Ek lei aan Reumatoide Artrutis en al my gewrigte is al aangetas. Ek het al in ‘n paar gewrigte operasies gehad om van die skade te probeer herstel. Ek lei ook aan Fibromialgie en dit is vir my baie erg. Ek is 48jaar en dit voel party dae of ek net nie meer kan nie. Ek het ook Chron se siekte gekry. Tussen die ontsettende seer spiere en gewrigte en my derms is elke dag vir my ‘n uitdaging. Ek is op kroniese mediekasie en dit voel net of dit nie regtig enige verligting bring nie. Al wat my nog aan die gang hou is net dat ek nog eendag ,my kleinkinders wil sien en geniet. My man (Andre) ondersteun my baie en ek is so dankbaar daarvoor. En dit is waar maar van jou vriende begin jou te vermy of verbreek heeltemal kontak, omdat so baie verander. Uitstappies of gaan tee drink saam met ‘n vriendin is party dae regtig net nie moontlik nie, so die uitnodigings droog op. Slaap is ongemaklik, so ek is die meeste van die tyd moeg.
    MAAR ek dank nog elke dag die Here dat ek opstaan en ek kan nog so bietjie vir bietjie my huishouding aan die gang hou. Wat vir ‘n gesonde mens in n jap trap gebeur vat my ‘n dag of meer maar ek kom ook daar.

    Groete Rachelle Steenkamp

  • Dricky

    Geen

  • Wessel Taljaard

    Ek het al die tekens hierbo en het insig gekry met Annie Bartie se berig, maar ek probeer met haar in kontak kom. My operasie en mediese omkoste raak al so hoog en ‘n oplossing kom net nie. Miskien as ek en Annie Bartie kan gesels kan my lewe moontlik verbeter

  • annetjie swanepoel

    HI, ek is so bly om te hoor ek is nie die enigste een wat stok horing oud voel nie. Ek het anykolosing spondilits, verskoon as die spelling verkeer is, en het ook 24 huur van die dag pyn. Kan nie slaap nie, want hoe jy ookal probeer le, dit is seer. Maar, ek dank ook die liewe Vader elke dag dat ek nog kan aangaan. Niemand het begrip van hoe jy voel nie, kan nie verstaan dat jy elke dag seer het nie. Sterkte vir al die ander lyfseerders!