Gesondheidnuus: Borskanker, oogtoetse en tandpyn

Deur Lydia van der Merwe, SARIE - Oktober 2009

Gesondheidnuus: Borskanker, oogtoetse en tandpyn Galery

Nie die einde

Bemagtig jouself met soveel inligting as moontlik as jy borskanker het, sê dr. Miempie Esterhuizen (46), ’n ginekoloog van Kaapstad, wat verlede jaar ná ’n roetine-mammogram met borskanker gediagnoseer is. Sy het ’n familiegeskiedenis van kanker en het ’n dubbele mastektomie en terselfdertyd ’n rekonstruksie gehad eerder as om medikasie as voorsorg te neem. “Ek praktiseer al 15 jaar en het dikwels borskanker gediagnoseer. Toe dit met mý gebeur, was ek ’n dag lank uit die veld geslaan. Ek is immers aktief en leef gesond. Ek was in die hande van my kollegas. Binne ’n maand was ek terug by die werk.

’n Borskankerdiagnose is nie die einde van jou lewe nie. Die letsels is aan jou lyf, nie jou siel nie. Jy het die reg om jou dokter vrae te vra en antwoorde te bevraagteken. Net dán kan jy ingeligte besluite neem."

Het jy geweet?
Slaap beveg stres - én dis verniet!

Tandpyn?

Doepa vir tandpyn Vryf ’n ysblokkie op die sagte plekkie waar jou duim en wysvinger bymekaarkom. Die koue sensasie volg dieselfde paadjie na jou brein as tandpyn – en jy voel tydelik nie jou tand se noodkrete nie. Besoek dan ’n tandarts. Bron: www.ririanproject.com

Al doen jy vandeesmaand net een ding, laat toets jou oë

’n Oogkwaal kan só vroeg ontdek en behandel word. En blindheid voorkom. Voor 40 moet jy dit elke twee jaar laat doen, ná 40 jaarliks.

22 September tot 19 Oktober is Oogversorgingbewustheidsmaand. Vir meer inligting, kontak die SA Nasionale Raad vir Blindes by 012 452 3811 of besoek www.sancb.org.za.

  • Foto van Gallo Images/Getty Images

Verwante artikels

Galery

  • Bors
  • Pienk strikkie
  • Doepa vir tandpyn

Kommentaar