FOTO: Instagram @misshenderson_plants

FOTO: Instagram @misshenderson_plants

Gesondheidstories

Kies gesond! Aartappel of patat?

Altyd keuses. Sjokolade of jellie-lekkers? Roomys of sorbet? Aartappel of patat? Muffin of koek? Botter of margarien? Ons word daagliks deur dieetkeuses in die gesig gestaar.

SARIE se gesondheidsredakteur Lydia van der Merwe ondersoek wat is werklik die gesonder opsie. En die antwoord mag jou dalk net verras … Lees die volledige artikel in die Oktober-uitgawe van SARIE.

monique sutherland voorbladgesig oktober okt

Aartappel of patat?

KIES: Enigeen, maar lees eers verder

Die sogenaamde lae-GI-kosse het jare lank ons koskeuses beïnvloed, soms ten goede, soms nie, sê Mariza van Zyl, geregistreerde dieetkundige by Beter Eet Voeding en Voedsel Konsult in die Paarl. Patat word voorgehou as “beter” omdat dit ’n laer GI het. Maar nie alle aartappels het ’n hoë GI nie. Die uitwerking wat aartappels op jou bloedsuikervlakke het, hang van die variëteit af. Asook jou porsiegrootte, die ander kos op jou bord en gaarmaakmetode. ’n Aartappel gekook in die skil, gebak in die oond of koud in ’n slaai kan jou bloedsuiker bv. stadiger laat styg (laer GI) as kapokaartappels.

FOTO: Instagram @minsusan

FOTO: Instagram @minsusan

As jy hou van aartappels, kies liefs baba-aartappels. Ook die meer “wasagtige” variëteit. Die “vleis” is gewoonlik nie so wit nie, maar meer gelerig en byna “taai”. Die skil is dikwels pers of pienk.

Dis ook moeiliker om by ’n porsie patat te hou as ’n porsie aartappel, omdat ’n patat groter en swaarder is. (Patat, 70 g, en baba-aartappel, 100 g, bevat min of meer dieselfde hoeveelheid koolhidrate.) Porsie-grootte kraai hier koning, sê sy.

FOTO: Instagram @artgirl88

FOTO: Instagram @artgirl88

As jy op Banting is, moet jy stadig met patats. En aartappels moet jy probeer vermy, volgens Die Kos Revolusie deur onder meer Tim Noakes (Quivertree-uitgewers, 2014).