FOTO Instagram / @massielfeliz

FOTO Instagram / @massielfeliz

Gesond

Koffieverslaafde? Dis dalk in jou gene!

Jy kan nie die dag oorleef sonder jou tweede, derde of selfs vierde koppie koffie nie. En jy’t al geleer geen besluite moet geneem word vóór jou eerste koppie boeretroos nie. Jou beheptheid met koffie is dalk nie ’n verslawing nie, maar eerder iets in jou gene.

Navorsers aan die Universiteit van Edinburg in Skotland het bevind ’n geen, PDSS2, is verantwoordelik vir die hoeveelheid koppies wat jy kan drink. Indien jy nie die geen het nie, sal jy smag na veel meer as een koppie koffie, berig CNN. En mét die geen kan jy aansienlik minder drink.

Tyd vir koffie. Foto: @julianovatoacessorios_instagram

Tyd vir koffie. FOTO @julianovatoacessorios_instagram

1 213 Italianers en 1 731 Nederlanders het aan hierdie studie deelgeneem. In albei groepe het die wetenskaplikes gesien hoe die PDSS2-geen ’n rol speel in die inname van koffie.

Die metabolisme van mense met dié geen verwerk ook die kafeïen stadiger, berig Popular Science.

Gelukkig is daar studies wat bewys koffie is goed vir jou.

FOTO: Unsplash

FOTO Unsplash

5 redes waarom koffie goed is vir jou

’n Koppie koffie soggens is dalk meer as net ’n energie-inspuiting. Gereelde koffiedrinkers – minder as 5 koppies per dag – het ’n kleiner kans om voortydig dood te gaan, volgens nuwe navorsing in die Amerikaanse joernaal Circulation. Al hoe meer studies wys dit het dalk verskeie gesondheidsvoordele.

Hier’s die redes:

Diabetes – Sowat 11%. Dis hoeveel deelnemers aan ’n Amerikaanse studie hul kanse verminder het om in die daaropvolgende vier jaar diabetes te kry. Dis nadat hulle oor vier jaar hul koffie-inname met gemiddeld 1,69 koppies per dag vermeerder het.

Parkinson se siekte – ’n Hoë kafeïen-inname (en dus koffie) word met ’n aansienlik laer voorkoms van Parkinson se siekte geassosieer, wys Amerikaanse navorsing. Matige kafeïengebruik kan dalk ook help vir die motoriese simptome, soos stadige bewegings, spierstyfheid, bewerigheid en verlies aan balans, volgens nog ’n studie in die Amerikaanse joernaal Neurology.

Klik hier om die ander 3 redes te lees.

Lees nou

Koffiebeker-slopies

5 redes waarom koffie goed is vir jou

‘Inspirasiekos met SARIE’ se koffie-resepte (episode 11)