FOTO: Getty Images / Gallo Images / Gary Houlder

FOTO: Getty Images / Gallo Images / Gary Houlder

Gesond

Nee, dis nie jou skildklier se skuld nie! (Deel 2)

Wat is jou grootste mediese dilemma? Ons het dit eenkeer vir SARIE se Facebook-vriende gevra. Een daarvan was jou skildklier. Verstaan jy werklik hoe joune werk? Onderskei só feit van fiksie.

FOTO: Unsplash

FOTO: Unsplash

MITE: Jy kan tiroïedprobleme met ’n gesonde dieet en gereelde oefening voorkom

’n Onderaktiewe skildklier word dikwels veroorsaak deur ’n outo- immuuntoestand, waar die immuunstelsel die skildklier as ’n “indringer” sien. Dit bring mee dat
die liggaam teenliggaampies vervaardig wat die skildklier aanval en veroorsaak dat dit onderaktief raak. Ander algemene oorsake sluit onder meer
in behandelings vir ’n ooraktiewe skildklier, soos behandeling met radioaktiewe jodium.

Dis nietemin voordelig vir jou algehele gesondheid om ’n gesonde leefstyl te handhaaf. Dit sluit in dat jy jou stresvlakke beheer, genoeg slaap kry,’n gesonde dieet volg en genoeg oefening kry. Sommige navorsers meen dat stres as sneller kan dien vir outo-immuunsiektes wat met die skildklier verband hou in mense met ’n genetiese geneigdheid.

“’n Dieet wat jodium en selenium bevat, is al wat nodig is vir die normale funksionering van jou skildklier by mense wat nie skildklierprobleme het nie,” sê dr. Dave, wat onlangs mede- koördineerder was van ’n nasionale inisiatief om riglyne saam te stel vir die bestuur van skildkliersiektes in Suid-Afrika.

“Die meeste mense se dieet bevat genoeg van hierdie elemente, en
in Suid-Afrika maak ons regering seker ons kry genoeg jodium in deur middel van gejodeerde sout. Daar is geen wetenskaplike bewyse dat enige aanvullings, spesiale diëte of oefening skildklierprobleme kan voorkom of as behandeling kan dien nie.”

* Storie geskryf deur Joanne Lillie, Health24.

Die skrywer het nog vier mites gaan ondersoek, wat in die SARIE se Maart 2016-uitgawe verskyn het.

Lees nou