Dit laat jou dink

Eet maar sjokolade… dis goed vir jou!

Ja, selfs al hét jy hoë cholesterol en bloeddruk, ’n boepie of diabetes.

Dit moet egter goeie donkersjokolade (meer as 70% kakao) wees. Sjokolade met vulsels – romerig, beskuitjies, toffie, ensovoorts – is uit. Jy kan egter dié met neute eet.

Eet dit gerus elke dag, maar hou dié bederfie klein (1 groot blokkie of 2 kleintjies – verkieslik ná ete of saam met ’n lekker groot koppie tee, koffie of ’n glas water). Want oordaad gaan jou gewig laat aansit.

Bron: Mariza van Zyl, RD(SA), geregistreerde dieetkundige van Beter Eet Voeding en Voedsel Konsult in die Paarl. Besoek haar webblad by www.betereet.co.za