Nuut & Nuus

1  2  3  4  5  6  7  8  9

• Pasella se Dieter Voigt wys sy gunsteling-foto's - Donderdag, 29 Jul. 2010

  

  Voormalige Mnr SA (2007), model en Pasella-aanbieder, Dieter Voigt, deel sy gunsteling-foto's met sarie.com.

  Dieter se aan-die-gang-leefstyl en dié dat hy graag liefdadigheidswerk doen, sorg dat hy baie rondrits. Hier wys hy foto's van sy fietstoere vir Tygerbeer, sy modelsessies en Pasella-hoogtepunte. G'n wonder sy motto is "doen iets waarvan jy hou, en jy sal nooit weer in jou 'n lewe 'n dag hoef te werk nie".

  Besoek Dieter se webblad

  Lees die artikel: Die nuwe Mnr. Suid-Afrika

  Galery

  
  Lewer jou kommentaar

• Skink 'n glasie van sangeres Nádine se eie wyn - Woensdag, 28 Jul. 2010

  

  "Nou kyk, as 'n mooi meisie soos Nádine vir jou kom vra sy wil haar eie wyn hê, kan 'n mens mos nie nee sê nie," skerts Jan 'Ponk' van Zyl, een van die eienaars van Fryer's Cove-wyne.

  "Nee," sê hy, "ek en Nádine ken mekaar al lank, en dit was nog altyd haar droom om haar eie wyn te hê. Toe't ons as 'n verrassing vir haar by die Rittelfees eenjaar 'n paar bottels met haar handelsmerk laat lable. Sy was baie ingenome, en so't die storie nou maar begin."

  Fryer's Cove-wyne is 'n landgoed van 6 hektaar aan die Weskus, naby Strandfontein.

  By elke Nádine-show, waar moontlik, kan jy 'n bottel Nádine/Fryer's Cove-wyn wen. Of, nog beter, jy kan sommer 'n bestelling plaas en Jan sal sorg dat dit by jou afgelewer word.

  "Ons lable die Bay to Bay-reeks (sauvignon blanc) en die Bamboes Bay merlot vir haar," sê Jan.

  En wat van Nádine se oorsese mark?

  "Ek het met haar bestuurder in Europa gesels, en hy's baie opgewonde oor die idee. So wanneer hulle weer 'n groot launch daar oorkant gaan hou, stuur ons beslis wyn saam."

  Lees die artikel: Nádine wen gesogte internasionale prys

  Galery

  
  Lewer jou kommentaar

• Watter Lianie May-voorblad verkies jy? - Dinsdag, 27 Jul. 2010

  

  Superster, plaasmeisie – dís Lianie May! Vandaar fluweel vir die voorblad, want dis glans sonder pretensie. En daarby baie armbande om dit meer informeel te hou.
  Om fluweel goed te dra moet jy genoeg vel wys. Wys jy te min kan jy onnodig outyds of selfs soos ‘n dogtertjie lyk en verloor fluweel eensklaps sy sexyheid. 

  Onthou dié reël: As jy jou halslyn ontbloot, hou jou soomlyn langer om nie te veel been te wys nie; as jy weer baie been wys, maak seker jy maak jou hals toe. Dis die een of die ander.

  Die amperse voorbladfoto!

  Mooi in blou . . .Maar die voorblad wat ons uiteindelik op besluit het (hooffoto regs), het warmte (van haar oë wat praat tot die algehele gevoel) en is daarom in ’n heel ander klas.

  

  Maar wat dink jy? Hoeveel sterre gee jy elke foto?
  

  Lees die artikel: Nadia Valvekens: Watter voorbladfoto verkies jy?

  Galery

  
  Lewer jou kommentaar

• Arno Carstens: Sy gunstelinge + wat jy nie van hom geweet het nie - Maandag, 26 Jul. 2010

  

  Arno Carstens se gunstelinge

  Oorsese rockster James Walsh, die Britse musikant van Starsailor.
  Plaaslike rockster Karen Zoid. Sy rock!
  Afrikaanse musikant Chris Chameleon. Hy het 'n besondere stem, is aantreklik en veral sy Ingrid Jonker-album is uitstekend.
  Kitaar 'n Gibson.
  Liedjie Ray LaMontagne se Trouble en PJ Harvey en John Parish se Black Hearted Love.
  Eie liedjie Baseball wat ek en die Springbok Nude Girls met 'n 25-stuk-orkes uitgevoer het.
  Boek Conversations with God deur Donald Walsch en The Alchemist deur Paulo Coelho.
  Fliek Kick-Ass met Nicolas Cage.
  Drankie Meerlust Rubicon en die Skotse Whisky Lagavulin
  Kos Mario's hier naby in Groenpunt se murgbene, gebraaide skaapbrein, afval en tarentaal in rooiwynsous.
  Sêding of inspirerende aanhaling The only impossible journey is the one you never begin.
  Vakansieplek Zanzibar, waar ons ook getrou het. Ek hou van hul tipe seesand, die water is soos badwater. Ek vat 'n geestelike boek saam en ons snorkel. Daar is 'n TV nie nodig nie.
  Mooiste vrou buiten joune Scarlett Johansson, al is sy 'n bietjie kort, Heidi Klum en Michelle McLean

  Klik vir 'n agter-die-skerms-video van Arno se nuwe CD-projek

  5 dinge wat jy nie van Arno Carstens geweet het nie
  

  Ek weet ek het 'n goeie song geskryf as dit met net 'n paar kitaardrukke werk.
  Ek kan goed dans.
  Ek speel kitaar, tromme en klavier. Ek hou van die klavier se klank, maar is 'n terrible speler.
  Ek is mal oor braai. Ook omdat dit vroue 'n bietjie afgee.
  Ek het die voordele van die kilt ontdek. Dis fantasties om aan te trek wanneer jy uit 'n swembad klim.

  
  
  Lees die artikel: Rock-koning Arno hip en hardekwas

  Galery

  
  Lewer jou kommentaar

• Afrikaanse nuus nou op kykNET, wat sê Karen Meiring oor Freek en kie? - Vrydag, 23 Jul. 2010

  

  Die aanbieders en joernaliste is gekies en die eerste paar uitsendings van eNuus, die nuwe Afrikaanse nuusbulletin op kykNET, is agter die rug. Charis Labuschagne het met kykNET se uitvoerende hoof, Karen Meiring, by die bekendstelling gesels.
  

  Jy kon al na 'n paar eNuus-uitsendings kyk. Wat dink jy daarvan?
  We're getting there. Dis ongelooflik hoeveel die span in 'n kort tyd kon regkry. Ons vind nog uit waarvan ons kykers hou en nie hou nie en sal aanpassings maak soos die tyd verloop.

  Wat beteken eNuus vir kykNET?
  Dit maak van ons 'n volspektrum-kanaal. Ons kan nou vir ons kykers 'n volle aanbod van TV-programme gee: Seep, werklikheids- en speletjiesprogramme, drama en nou ook nuus.

  kykNET is die kanaal waarop eNuus uitgesaai word, maar eNews, e.tv se 24-uur-nuuskanaal, is die vervaardigers. Hoe voel dit om 'n kuiken vir iemand anders te gee om groot te maak?
  Dis vir ons belangrik om 'n goeie produk op die lug te kry. eNews ken die nuusbedryf. Hulle weet wat hulle doen en is goed daarmee. Die verhouding met hulle is lekker en ek sien uit om hierdie handelsmark-uitbreiding saam met hulle te bou.

  Sal julle dit ooit oorweeg om eNuus uit te brei met oggend-bulletins?
  Dis nou maar eers die begin, maar eNuus kan groei. Ons sal kyk wat die behoefte is. Vir nou neem ons baba-treë, maar ons droom groot.

  Lees die artikel: Nuwe realiteitsreeks op kykNET: Die foon

  Galery

  
  Lewer jou kommentaar

• Angelique Gerber se tienerstryd teen anoreksie - Donderdag, 22 Jul. 2010

  

  Angelique Gerber en haar 7de Laan-karakter, Clara, deel dieselfde spontaneïteit en lus vir die lewe. Maar anders as Clara, was Angelique se pad na geluk swaar.

  Sy is die uitbundige, vrolike Clara wat diep in 7de Laan-kykers se hart gekruip het. Op straat keer aanhangers haar voor met ’n vriendelike “Clara-ja”, haar kenmerkende sê-ding in Die Laan. Kinders skryf vir haar briewe om te spog hulle kan al nes sy praat, en vir volwassenes helder sy tonele op met haar onkunde oor enigiets Afrikaans.

  Sy vertel eksklusief vir SARIE van haar tienerstryd teen anoreksie en dat sy haar pa se liefde wou wen.

  Klik om die volle artikel te lees.

  Galery

  
  Lewer jou kommentaar

• 7de Laan se nuwe 'hunk' Bernard oor sy eerste dag op stel - Woensdag, 21 Jul. 2010

  

  Werner Coetser is die nuwe 'hunk' in 7de Laan, en hy speel die rol van Bernard, Tim Jordaan (Marius Weyers), se seun. Hy gesels en wys sy foto's op die nuwe 7de Laan-webtuiste, en hier's 'n voorsmakie...

  Hoe het jy by 7de Laan beland?
  In jou derdejaar drama doen jy 'n openbare oudisie vir die publiek, en soos wat dit moes gebeur, was die casting director van 7de Laan daar en het my toe genooi vir 'n oudisie.

  Hoe voel jy om 7de Laan se nuwe "hunk" te speel?
  Ek sien myself nie as 'n hunk nie, maar wel vir Bernard as een. Ek is maar net 'n doodgewone ou soos elke een daar buite.
  
  Beskryf vir ons jou eerste dag op stel.
  Ek onthou dit so goed soos gister, ek was doodbang vir wat vir my gewag het. Jy sien al hierdie mense vir wie jy elke aand op die TV kyk, en nou staan hulle saam met jou in dieselfde vertrek. Jy konsentreer so op jou woorde dat jy vergeet om te loop en sodra jy loop, vergeet jy jou woorde! Dit het net doodeenvoudig gevoel of ek wil omval - die oomblik was oorweldigend.
  
  Hoe voel dit om teenoor groot name soos Marius Weyers te speel?
  Dit is die grootste eer om teenoor hom te speel en net so ook die res van die 7de Laan-span. Om saam met mense te speel wat soveel wysheid en talent het, is een van die beste dinge wat nog ooit met my gebeur het. Die hoeveelheid kennis en insig wat jy opdoen terwyl jy saam met hulle speel, is onbeskryflik.

  Het jy enige stokperdjies?
  Om klippe te versamel. Gimnasium toe te gaan of te draf. En om video-speletjies te speel.

  Om deur sy foto-album te kyk en nog te lees, klik by www.7delaan.co.za
  Lees die artikel: 7de Laan word 10! Kom kuier agter die skerms saam met sarie.com

  Galery

  
  Lewer jou kommentaar

• Kurt Darren - foto's van Australiese toer: "Sydney het gekook!" - Dinsdag, 20 Jul. 2010

  

  Suid-Afrikaners in Australië weet dat die beste medisyne teen huis toe verlang 'n lekker Afrikaanse konsert is. Goeie nuus! Kurt Darren en Arno Jordaan nou in Australië vir konserte daar.

  Jordaan stel sy splinternuwe album, Stukkie van jou hart, in Australië bekend, en dis 'n eerste vir 'n SA kunstenaar.

  Klik vir Kurt en Arno se nuutste musiekvideo's! Kurt was ook bevoorreg om saam met die Bokke in Brisbane gholf te speel.
  

  Galery

  
  Lewer jou kommentaar

• Lize Beekman se nuwe DVD 'n eerlike agter-die-skerms-moet-sien! - Maandag, 19 Jul. 2010

  

  Alles rondom Lize Beekman se nuwe (eerste) DVD, Ek was al daar, is ongewoon - van die omslag-ontwerp tot die verfilming daarvan in haar broer se huis in Januarie 2010. En as jy al 'n Lize Beekman-vertoning bygewoon het, sal jy weet dat 'n mens moeilik die woorde vind om daardie uur of wat te beskryf. Dan sê jy dikwels vir iemand: "Jong, gaan kyk dit self. Dan sal jy verstaan."

  So voel ek oor dié DVD. Dis eerlik en agter-die-skerms, met van die mooiste liedjies in Afrikaans. Die musikante weet met 'n enkele glimlag waarheen die musiek op pad is. Dis heilsaam en maak mooi met jou hart. Dis 'n storie, 'n kortfilm, 'n skets van iemand wat die lang pad met al sy opdraandes en afdraaie in die bedryf moes stap.

  Dis raar en geseënd.

  Lize vertel:

  Hoekom 'n DVD?
  Mense het daarvoor gevra, maar ek't nog nooit iets gedoen omdat ek dit móét doen nie. Ek het nog altyd daaroor gedroom, maar nog nooit die geld gehad nie.

  Lize se pad in die bedryf

  'n Uittreksel uit 50 Stemme - die Grootste name in Afrikaanse musiek deur Ilza Roggeband (uitgereik deur Jonathan Ball).

  Hoe't jou plan toe bymekaargekom?
  Ek het 'n gedeelte daarvan self betaal en Beeld-koerant het die ander gedeelte bygedra. Ek het besluit om nie die normale roete te gaan nie. Van waar ons dit opgeneem het tot die beligting. Dis nie show-beligting nie, dis filmbeligting. Met die klank-opnames het ek vir Marius Brouwer (bekroonde klanktegnikus) gebruik. En die verfilming is deur Chris Lotz gedoen, wat onlangs 'n prys vir sy filmkuns gewen het. Met die gevolg - die klank en die beeld is fenomenaal! Die omslagontwerp is gedoen deur Peter Oellermann.

  Dis nie net 'n show nie, dis soos 'n dokumentêr met onderhoude en als.

  En die liedjies?
  Dis 'n mengsel van dit waarvoor die mense gevra het en so 2 of 3 liedjies wat ek self gekies het omdat ek dink dit van my beste skryfwerk is. Daar's nuwe liedjies op, of dan nou dié wat nog nooit opgeneem is nie. En van die songs is in 'n repetisie-omgewing geskiet, nie almal is soos 'n show nie.

  Wie speel saam met jou?
  Natuurlik Juan "Floors" Oosthuizen op kitaar. Dan is daar Denny Laloutte op baskitaar, David Klassen op perkussie en Devereaux van der Hoven op klavier.

  Wat is van die mooiste oomblikke wat jy onthou?
  Die hele proses was ongelooflik en die projek was verskriklik geseënd. Almal betrokke was deel daarvan met die mooiste energie, ons het so baie gelag. Daar was altyd glimlagte, en 'n mooi atmosfeer, van hulle wat die verhoog moes opstel tot die tegnici en die musikante. Die welwillendheid van mense was wonderlik.

  Hoe lyk die tweede helfte van jou 2010?
  Ek's besig met baie shows, en gaan natuurlik die DVD bemark. Dan moet ek nog aan my volgende CD werskaf... En aan 'n tweede Lullaby-album werk, die ma's vra al daarvoor.

  Bestel jou Lize Beekman Ek was al daar-DVD hier

  
  

  Galery

  
  Lewer jou kommentaar

• 7de Laan se Matrone oor 10 jaar in die Laan - Maandag, 19 Jul. 2010

  

  Almal ken die formidabele Matrone wat deesdae in 7de Laan (in die SABC2-sepie) se boekwinkel werk. Maar wat het 7de Laan die afgelope tien jaar vir die aktrise Annelize van der Ryst beteken? Marguerite van Wyk het met haar gesels.

  Wat het dié sepie vir jou loopbaan beteken?

  Dit gee my die geleentheid om alles wat ek in die teater en met destydse oorklanking geleer het, daagliks gedurende opnames toe te pas. Die reeks laat my beslis nie verroes nie, veral omdat my karakter as Matrone wissel tussen komedie en soms die meer dramatiese elemente in my vertolking.

  Hoe het 7de Laan jou lewe verryk?

  Ek kan teenoor baie goeie, professionele akteurs speel, en dit het `n basis vir my geskep dat ek baie kon reis die afgelope paar jaar.

  Noem `n paar hoogtepunte . . .

  Persoonlike hoogtepunte was my reise na die Midde-Ooste. Dis `n baie belangrike deel van die wêreld wat baie in die nuus is en waarvan die meeste mense in die Weste, veral in Suid-Afrika, net `n verwarde, vae en stereotipies beeld het. Wat so lekker is van lande soos Sirië, Libanon, Jordanië en Iran, is dat hul geskiedkundige plekke soos Palmyra, Petra, Boalbek en Persepolis nie stof getrap word deur `kyk daar’ toeriste nie. Die negatiewe aspek daar is dat dié lande, veral ná 9/11, nie `n groot inkomste kry uit toerisme nie. Nie ál die Midde-Oosterse lande het immers olie nie. Professioneel was een hoogtepunt vir my die storielyne tussen Matrone en haar suster Esther (wyle Trudie Taljaard).

  Wat dink jy beteken 7de Laan in die Afrikaanse gemeenskap?

  Dit verskaf nie net plesier nie, maar is gemik op ál die gemeenskappe van die land. Mense is baie dankbaar dat hulle vermaak word deur dié sepie wat al deel van hul daaglikse lewe geword het soos slaap, eet, werk en kuier.

  Lees die artikel: Wat gaan 7de Laan se Altus vir Valentynsdag doen?

  Galery

  
  Lewer jou kommentaar

1  2  3  4  5  6  7  8  9