FOTO Willem Lourens

FOTO Willem Lourens

Wat eet ons vandag?

Macaroni-en-kaasgebak

Hier is ’n lekker maklike bekostigbare resep onder R100 vir ’n gesin van 4.

genoeg vir 4

• 100 g (120 ml) botter
• 1 liter melk
• 500 ml hoenderaftreksel
• 250 ml room
• 500 g pasta (macaroni of skroewe)
• 400 g sterk cheddarkaas, gerasper

Verhit oond se roosterelement. Verhit botter, melk, aftreksel en room tot kookpunt in ’n groot kastrol. Roer goed met ballonklitser tot botter gesmelt het (moenie bekommerd wees as die mengsel dalk skif nie – klits dit net vinniger sodat dit weer bymekaarkom). Voeg die pasta by en verlaag hitte tot matig.

Roer nou en dan met houtlepel. Prut sowat 15 minute tot pasta gaar is. Voeg helfte van kaas by pasta en roer goed deur. Sprinkel res van kaas bo-oor en plaas onder warm roosterelement tot bros en goudbruin. Sit warm voor.

Lees nou

Spaar krag terwyl jy kook dié winter PLUS die beste mikrogolf-resepte

Op almal se lippe: Patat-toast

5 brode vir jou sop (bak in minder as ’n uur!)