FOTO Lee Malan

SARIE KOS APRIL/MEI 2013

FOTO Lee Malan SARIE KOS APRIL/MEI 2013

Wat eet ons vandag?

Vegetariese burger

Vir hierdie heerlike burger sal selfs ek sonder vleis kan klaarkom.
Gaarmaaktyd: sowat 10 minute

genoeg vir 4

• 2 eiervrugte, in sowat 8 ringe gesny
• 250 g halloumi-kaas, in repe gesny
• 60 ml olyfolie
• sout en varsgemaalde swartpeper
• 15 ml brandrissie-vlokkies
• 4 eiers
• 4 broodrolletjies van jou keuse, in lengte gehalveer
• 100 g sagte Deense fetakaas
• 40 g bronkors (watercress)

Braai eiervrug en halloumi-kaas in olyfolie tot bruin van kleur en gaar. Geur met sout, peper en rissievlokkies. Kook eiers tot sag, sowat 5 minute. Rooster die oopgesnyde kant van die broodrolletjies op ’n riffelpan tot bruin van kleur en bros. Smeer elke helfte met Deense fetakaas. Pak dan bronkors op. Skep eiervrug-en-halloumi-mengsel bo-op. Laastens sit jy vir elkeen ’n eier bo-op en sit voor met skyfies van jou keuse.

Wenk
Halloumi en eiervrug pas baie goed by lamsvleis, ingeval jy die burger nie vegetaries wil eet nie.