FOTO MIchael le Grange

FOTO MIchael le Grange

#SARIESondag

Warmsjokolade met ‘viskoekies’

Wat is meer winters as warmsjokolade? Sit voor met tuisgebakte koekies, goeie geselskap en ’n knus kombers.

genoeg vir 6–8

•  175 g (190 ml) sagte botter
•  115 g (220 ml) versiersuiker
•  gerasperde skil van 1 nartjie
•  265 g (475 ml) koekmeel
•  35 g (55 ml) mielieblom (cornflour)
•  12 kebab-stokkies
•  12 x 10 cm-stukkies tou
•  250 ml room
•  250 ml melk
•  2 stukke heel kaneel
•  200 g donkersjokolade
•  15 ml Frangelico-likeur, opsioneel

Verhit oond tot 180 °C. Room botter, suiker en skil met ’n elektriese menger tot lig en romerig. Voeg meel en mielieblom by en meng tot ’n sagte deeg vorm. Draai in kleefplastiek toe en laat rus 25 minute in yskas. Strooi dun lagie meel op werkvlak. Rol koue deeg met koekroller uit tot sowat 5 mm dik. Gebruik vissievorm-koekiedrukker en sny koekies uit.

Voer ’n bakplaat met bakpapier uit en spuit met kleefwerende kossproei. Plaas koekies op bakplaat en steek gaatjie in elke vissie se kop. Bak 10 – 12 minute of tot gaar. Laat afkoel. Bind stukkie tou aan elke vissie vas en dan aan die punt van ’n kebab-stokkie (soos op foto links). Bring room, melk en kaneel tot kookpunt. Voeg sjokolade by en roer tot gesmelt en glad. Laat 5 minute stadig prut. Gooi deur ’n sif en geur met Frangelico of ’n likeur van jou keuse. Sit warm voor saam met koekies.