Gebak

Boekuittreksel – Sjokoladevierkante

48 vierkante

Porsiegrootte: 2 vierkante

  • 75 ml (60 g) fruktose
  • 250 ml (120 g) koekmeel
  • 250 ml (90 g) hawermout
  • 125 ml (40 g) droë, fyn klapper
  • 25 ml kakaopoeier
  • 75 ml (55 g) hawersemels (oat bran)
  • 2 ml koeksoda
  • 5 ml bakpoeier
  • 100 ml (90 g) sagte margarien
  • 1 groot eier, geklits
  • 5 ml vanieljegeursel

Verhit oond tot 180 °C. Meng droë bestanddele en vryf margarien by tot goed gemeng. Klits eier en geursel saam en roer by meelmengsel om ’n klam mengsel te vorm. Druk in ’n gesmeerde rolkoekpan vas. Bak vir 20 – 25 minute tot gaar. Sny 48 vierkante terwyl koek nog warm is. Laat in die pan afkoel voor jy dit uithaal.

Energie: 396 kJ

Koolhidrate: 10 g

Vet: 5,1 g

Glukemiese indeks: laag (52)

Uit: Suid-Afrikaanse kookboek vir diabetes en insulien-weerstandigheid 1, Hilda Lategan, Tafelberg Uitgewers, 2009