Foto deur Donna Lewis
SARIE KOS OKT/NOV 2013

Foto deur Donna Lewis SARIE KOS OKT/NOV 2013

Gebak

Broodvetkoek met cheddarkaas en appelkooskonfyt

Sowat 12 vetkoeke

• 10 g suurdeegkorrels
• 25 ml suiker
• 1 kg koekmeel
• 10 ml sout
• 15 ml poeiermelk
• 410 ml lou water (as deeg te styf is, voeg nog bietjie water by)
• 12,5 ml sonneblomolie plus 750 ml sonneblomolie vir braai

Los suurdeeg en suiker op in ’n bietjie water. Sif meel, sout en poeiermelk saam in ’n mengbak. Voeg water en 12,5 ml olie by en maak aan tot ’n stywe deeg. Plaas deeg op ’n meelbestrooide oppervlak en knie sowat 10 – 15 minute tot elasties. Plaas deeg in bak en maak toe met kombuislap. Sit bak op ’n warm plek en laat deeg rys tot dubbel die volume. Rol deeg uit op ’n meelbestrooide oppervlak – nie te dun nie. Gebruik ’n koekieuitdrukker van sowat 6 – 7 cm en druk sirkels uit. Maak toe met ’n nat lappie en laat weer rys vir 30 minute. Verhit 750 ml sonneblomolie in ’n diep pan. Trek elke vetkoek in ’n ovaal vorm. Plaas in warm olie en braai tot gaar en bruin. Sit voor saam met cheddarkaas en appelkooskonfyt.

Wat is jou slim ontbytidee? Deel dit met Kellogg’s en jy kan wen! 

20160610_Digitorial SHakeUp Tag